യാത്രാ വിലക്ക് ഏർപ്പെടുത്തിയ സംഭവത്തിൽ ഇൻഡിഗോ വിമാന കമ്പനി ക്ഷമാപണം നടത്തിയതായി ഇ പി ജയരാജൻ. ക്ഷമാപണം എഴുതി നൽകാത്തതിനാലാണ് ഇൻഡിഗോയിലെ യാത്ര ഒഴിവാക്കുന്നതെന്നും ഇ പി ജയരാജൻ മാധ്യമങ്ങളോട് പറഞ്ഞു. ‘വിമാനത്തേക്കാൾ ട്രെയിനിൽ യാത്ര ചെയ്യുന്നതാണ് സൗകര്യം’.
നിയമസഭാ കയ്യാങ്കളി കേസിലെ ഹൈക്കോടതി വിധി തിരിച്ചടിയല്ലെന്നും ഇ പി ജയരാജൻ കൂട്ടിച്ചേർത്തു. തങ്ങളുടെ നേതാക്കളെ യുഡിഎഫ് എംഎൽഎമാർ ആക്രമിച്ചപ്പോൾ നോക്കി നിൽക്കണമായിരുന്നോ എന്ന് ജയരാജൻ ചോദിച്ചു. ‘നിയമസഭാ കയ്യാങ്കളി കേസിനെ നിയമപരമായി നേരിടും. പ്രതിയായത് കൊണ്ട് വി ശിവൻകുട്ടി മന്ത്രിസ്ഥാനം രാജി വെക്കേണ്ട കാര്യമില്ല.’ യുഡിഎഫ് എംഎൽഎമാരും ആക്രമിച്ചെങ്കിലും അത് ക്യാമറയിൽ പതിഞ്ഞിട്ടില്ലെന്നും ജയരാജൻ കുറ്റപ്പെടുത്തി.
