മലപ്പുറത്ത് കെഎസ്ആർടിസി ബസിൽ യുവതിക്ക് നേരെ പീഡനശ്രമം. കാഞ്ഞങ്ങാട് പത്തനംതിട്ട ബസിലാണ് പീഡനശ്രമം നടന്നത്. യുവതിയുടെ പരാതിയിൽ കണ്ണൂർ സ്വദേശി നിസാമുദ്ദീനെ പൊലീസ് അറസ്റ്റ് ചെയ്തു.
ഇന്നലെ രാത്രി ബസ് മലപ്പുറം വളാഞ്ചേരിയിൽ എത്തിയപ്പോഴായിരുന്നു സംഭവം. യുവതിയോട് ഇയാൾ അപമര്യാദയായി പെരുമാറുകയായിരുന്നു. തുടർന്ന് യുവതി എമർജൻസി നമ്പറിൽ വിളിച്ച് പരാതിപ്പെടുകയും വളാഞ്ചേരിയിൽ വെച്ച് പൊലീസെത്തി ഇയാളെ അറസ്റ്റ് ചെയ്യുകയുമായിരുന്നു,
കോഴിക്കോട് വച്ച് സഹയാത്രികയോട് യുവതി യുവാവ് തന്നെ ശല്യം ചെയ്യുന്നതായി പരാതി പറഞ്ഞിരുന്നു. ഇതേത്തുടർന്ന് സഹയാത്രിക കണ്ടക്ടറോട് ഇക്കാര്യം പറഞ്ഞപ്പോൾ യുവാവിനെ മറ്റൊരു സീറ്റിലേക്ക് മാറ്റിയിരുത്തുകയായിരുന്നു. എന്നാൽ വളാഞ്ചേരി എത്തിയപ്പോൾ പഴയ സീറ്റിലേക്ക്തന്നെ യുവാവ് വന്നിരിക്കുകയും യുവതിയുമായി തർക്കത്തിലേർപ്പെടുകയുമായിരുന്നു. തുടർന്നാണ് ആദ്യം തനിക്കെതിരെ നടന്ന പീഢനശ്രമത്തിൽ പരാതിയുണ്ടെന്ന് യുവതി കണ്ടക്ടറെ അറിയിച്ചത്.
