ചെന്നൈയിൽ ട്രെയിൻ പാളംതെറ്റി. ചെന്നൈ ബേസിൻ ബ്രിഡ്ജ് സ്റ്റേഷന് സമീപമാണ് ട്രെയിൻ പാളം തെറ്റിയത്. ചെന്നൈ സെൻട്രലിൽ നിന്ന് തിരുവള്ളൂരിലേക്ക് പോകുന്ന സബർബൻ ട്രെയിനാണ് അപകടത്തിൽപ്പെട്ടത്. അപകടത്തിൽ ആർക്കും പരിക്കില്ല.
ഒൻപത് കോച്ചുകളുണ്ടായിരുന്ന ട്രെയിനിന്റെ സ്ത്രീകളുടെ കോച്ചിന്റെ രണ്ട് ചക്രങ്ങളാണ് പാളം തെറ്റിയത്. റെയിൽവേ ഉദ്യോഗസ്ഥർ സ്ഥലത്തെത്തി പരിശോധന നടത്തി. അപകടകാരണം എന്താണെന്ന് വ്യക്തമല്ല. അപകടത്തിന് ശേഷം ഒരു മണിക്കൂറോളം ട്രെയിൻ ഗതാഗതം തടസപ്പെട്ടു. കഴിഞ്ഞ ദിവസം വിജയവാഡ – ചെന്നൈ സെൻട്രൽ ജനശതാബ്ദിയും ഇതേ സ്ഥലത്ത് പാളംതെറ്റിയിരുന്നു.
