ലിഫ്റ്റിൽ കുടുങ്ങിയപ്പോൾ രക്ഷപ്പെടുത്തിയ സെക്യൂരിറ്റി ജീവനക്കാരനെ മർദ്ദിക്കുന്ന യുവാv8ന്റെ ദൃശ്യങ്ങൾ ട്വിറ്ററിൽ പ്രചരിക്കുന്നു. ന്യൂഡൽഹിയിലെ ഗുരുഗ്രാമിലാണ് സംഭവം നടന്നത്. അഞ്ച് മിനിട്ടോളം ലിഫ്റ്റിൽ കുടുങ്ങിയ യുവാവിനെ രക്ഷപ്പെടുത്തിയ സെക്യൂരിറ്റി ജീവനക്കാരനെ ഇയാൾ മുഖത്ത് പലതവണ അടിക്കുകയാണുണ്ടായത്. സംഭവത്തിൻ്റെ സിസിടിവി ദൃശ്യങ്ങൾ പുറത്തുവന്നതോടെ പൊലീസ് ഇയാളെ അറസ്റ്റ് ചെയ്തെങ്കിലും ജാമ്യത്തിൽ വിട്ടു.
ഗുരുഗ്രാമിലെ ദി ക്ലോസ് നോർത്ത് സൊസൈറ്റിയിലെ ലിഫ്റ്റ് ആണ് പണിമുടക്കിയത്. അവിടെ താമസിക്കുന്ന വരുൺ നാഥ് എന്ന യുവാവ് പതിനാലാം നിലയിൽ നിന്ന് താഴേക്ക് വന്നുകൊണ്ടിരിക്കെ ലിഫ്റ്റിൽ കുടുങ്ങുകയായിരുന്നു. ഇതേ തുടർന്ന് ലിഫ്റ്റിലെ ഇൻ്റർകോമിലൂടെ ഇയാൾ അശോക് എന്ന സെക്യൂരിറ്റി ജീവനക്കാരനോട് വിവരം പറഞ്ഞു. തുടർന്ന് ലിഫ്റ്റ് ടെക്നീഷ്യനുമായി അശോക് സ്ഥലത്തെത്തി. അഞ്ച് മിനിട്ട് നേരത്തെ പരിശ്രമത്തിനൊടുവിലാണ് വരുൺ നാഥിനെ പുറത്തെത്തിച്ചത്. പുറത്തെത്തിയശേഷം രോഷാകുലനായ വരുൺ നാഥ് സെക്യൂരിറ്റി ഗാർഡിനെ മർദ്ദിക്കുകയായിരുന്നു.
How much punishment for this piece of shit? He was stuck in the lift in Gurugram's The Close North Nirvana Country colony. Watch what he does when he gets out. His name is Varun Nath. Police complaint filed. Least he deserves is the same treatment: https://t.co/okwhEQ9bip pic.twitter.com/uLYyKAzeUd
— Shiv Aroor (@ShivAroor) August 29, 2022
സംഭവത്തിന് ശേഷം അവിടെയുള്ള സെക്യൂരിറ്റി ജീവനക്കാർ പണിമുടക്കിലാണ്. രാവും പകലും ഇവർക്കായി ജോലി ചെയ്തിട്ടും ചിലർ അടിമകളെപ്പോലെയാണ് തങ്ങളെ കാണുന്നതെന്നാണ് സെക്യൂരിറ്റി ജീവനക്കാരുടെ പരാതി. വരുൺ നാഥിനെതിരെ നടപടി വേണമെന്നും ഇവർ ആവശ്യപ്പെട്ടു.
