ദേശീയ പതാകകൾ ശേഖരിക്കാൻ സന്നദ്ധരായി ഇന്ത്യൻ ഓയിൽ കോർപ്പറേഷൻ. ഇന്ത്യൻ ഓയിലിന്റെ മുംബൈ ഡിവിഷൻ അവരുടെ ദേശീയ പതാക ശേഖരണ ഡ്രൈവിനെക്കുറിച്ചുള്ള ഒരു ഇൻഫോഗ്രാഫിക് പോസ്റ്റർ ഇറക്കിയത് വലിയ ജനശ്രദ്ധ നേടിയിരുന്നു. അടുത്തുള്ള പെട്രോൾ പമ്പുകളിൽ ഉപയോഗം കഴിഞ്ഞ പതാകകൾ തിരികെ നൽകണമെന്നാണ് ഇന്ത്യൻ ഓയിൽ കോർപ്പറേഷൻ എല്ലാ പൗരന്മാരോടും പോസ്റ്ററിൽ അഭ്യർത്ഥിച്ചിരിക്കുന്നത്. ലഭിക്കുന്ന നല്ല പതാകകൾ സൂക്ഷിച്ചുവെച്ച് കേടുപാടുകൾ വന്നവ ബഹുമാനത്തോടെ തന്നെ ഒഴിവാക്കുന്നതായിരിക്കും എന്നാണ് ഇന്ത്യൻ ഓയിൽ പോസ്റ്റർ.
പോസ്റ്ററിന്റെ പരിഭാഷ ഇങ്ങനെ :
‘ശ്രദ്ധിക്കുക: ദേശീയ പതാകകൾ അശ്രദ്ധമായ വലിച്ചെറിയുവാനോ, വഴിയരികിൽ ഉപേക്ഷിക്കുവാനോ, മറ്റെന്തെങ്കിലും കാര്യങ്ങൾക്കായി ഉപയോഗിക്കുവാനോ പാടില്ലാത്തതാണ്. അതിനാൽ അവ അടുത്തുള്ള പെട്രോൾ പമ്പിൽ ഏല്പിക്കുക. നല്ല പതാകകൾ സൂക്ഷിച്ചുവെക്കുകയും മോശമായവ ആദരവോടെ തന്നെ ഡിസ്പോസ് ചെയുകയും ചെയ്യും.’
കൂടാതെ മുംബൈയിലെയും താനെയിലെയും ഫ്ലാറ്റ് സമുച്ചയങ്ങളിൽ നിന്ന് ത്രിവർണ പതാകകൾ ശേഖരിക്കാൻ മുംബൈ ആസ്ഥാനമായുള്ള മറ്റൊരു എൻജിഒ, മൈ ഗ്രീൻ സൊസൈറ്റിയും രംഗത്തെത്തി. ഫ്ലാഗ് കോഡ് അനുസരിച്ച് പതാകകൾ പരിപാലിക്കുമെന്നും കേടുപാടുകൾ സംഭവിച്ചവ കോഡ് അനുസൃതമായി നീക്കം ചെയ്യുമെന്നും എൻജിഒ ഉറപ്പുനൽകിയിട്ടുണ്ട്. 9820099022 / 9167761697 എന്ന വാട്ട്‌സ്ആപ്പ് നമ്പറുകളിൽ അവരുമായി ബന്ധപ്പെടാം.
