ഗുജറാത്തിൽ ചരിത്രം കുറിച്ച് ബിജെപി വീണ്ടും തുടർഭരണത്തിലേക്ക്. 1985ൽ കോൺഗ്രസ് നേടിയ 149 സീറ്റ് എന്ന റെക്കോർഡ് കടന്നിരിക്കുകയാണ് ബിജെപി. ഇത്തവണത്തെ വിജയവും കൂട്ടി തുടർഭരണത്തിൽ സിപിഐഎമ്മിൻ്റെ ബംഗാളിലെ റെക്കോർഡിനൊപ്പം ബിജെപിയെത്തും.
നിലവിൽ 158 സീറ്റുകളിൽ ബിജെപി മുന്നേറിക്കഴിഞ്ഞു. 2020ലെ 127 സീറ്റ് നേട്ടം മറികടന്നാണ് ബിജെപി മുന്നേറ്റം. കോൺഗ്രസ് കോട്ടയായ വടക്കൻ ഗുജറാത്തും പിടിച്ചെടുത്തു.
കോൺഗ്രസിൻ്റെ സിറ്റിംഗ് സീറ്റുകളിലെല്ലാം ഒറ്റ ഘട്ടത്തിലും കോൺഗ്രസിന് മേൽക്കൈ നേടാൻ സാധിച്ചിട്ടില്ല.
അതേസമയം, ഗുജറാത്തിൽ കോൺഗ്രസിന് പ്രതികൂലമായത് ആംആദ്മി പാർട്ടിയാണ്. കോൺഗ്രസ് വോട്ടുകളിൽ വിള്ളൽ വീഴ്ത്തി ഇതുവരെ 11.9 ശതമാനം വോട്ടാണ് എഎപി നേടിയത്.
1955 മുതല്‍ നിലവില്‍ 27 വര്‍ഷം തുടര്‍ച്ചയായി ഗുജറാത്തില്‍ ഭരണം തുടരുന്ന ബിജെപി വീണ്ടും അധികരാത്തിലെത്തിയതോടെ 32 വര്‍ഷത്തിലേക്ക് കടക്കും.
