വേനൽക്കാല സീസണിൽ 4 ദശലക്ഷത്തിലധികം യാത്രക്കാരെ സ്വാഗതം ചെയ്യാനുള്ള തയ്യാറെടുപ്പിൽ എത്തിഹാദ് എയർവേസ്. 2023 ജൂൺ 20 നും സെപ്റ്റംബർ 30 നും ഇടയിലുള്ള കാലത്തേക്കാണ് തയ്യാറെടുപ്പുകൾ. അബുദാബി വിമാനത്താവളത്തിലാണ് ഇതിനായി ഒരുക്കങ്ങൾ നടക്കുന്നച്.
ഇത്തിഹാദിൻ്റെ 66 ഡെസ്റ്റിനേഷനുകളുടെ വിപുലമായ ശൃംഖലയിൽ നിന്ന് കൂടുതൽ യാത്രക്കാർ അബുദാബിയിലേക്ക് എത്തിച്ചേരുമെന്നാണ് നിഗമനം. ലിസ്ബൺ, മലാഗ, മൈക്കോനോസ് എന്നിവിടങ്ങളിലേക്കുള്ള പുതിയ വേനൽക്കാല റൂട്ടുകളും വേനൽക്കാല സർവ്വീസുകളും യാത്രക്കാരുടെ എണ്ണം വർദ്ധിപ്പിക്കും.
ഓൺലൈൻ ചെക്ക്-ഇൻ സംവിധാനം, സെൽഫ്-സർവീസ് ബാഗ് ഡ്രോപ്പ് സൗകര്യം തുടങ്ങി യാത്രക്കാരുടെ സൌകര്യാർത്ഥം നിരവധി സേവനങ്ങളും ഇത്തിഹാദ് നൽകുന്നുണ്ട്. വേഗത്തിലും കാര്യക്ഷമമായും ചെക്ക്-ഇൻ പ്രക്രിയ പൂർത്തിയാക്കുന്നതിനും കൂടുതൽ അതിഥികളെ സ്വീകരിക്കുന്നതിനുമാണ് ഇത്തിഹാദിൻ്റെ നീക്കമെന്ന്. ഹബ് ഓപ്പറേഷൻസ് ജനറൽ മാനേജർ ഷെയ്ബ് അൽ നജ്ജാർ പറഞ്ഞു.
