ദുബായ് നഗരത്തിൽ വാഹനത്തിന് തീപിടിച്ച സംഭവത്തിന് പിന്നാലെ ഡ്രൈവർമാർക്ക് മുന്നറിയിപ്പ് നൽകി ദുബായ് പോലീസ്. ഷാർജയിലേക്കുള്ള അൽ ഗർഹൂദ് ടണലിന് ശേഷം ഷെയ്ഖ് റാഷിദ് സ്ട്രീറ്റിലാണ് സംഭവം നടന്നത്. റോഡിൽ വാഹനമോടിക്കുമ്പോൾ വാഹനമോടിക്കുന്നവർ ജാഗ്രത പാലിക്കണമെന്ന് പോലീസ് അറിയിച്ചു.
ദുബായിലെ ഷെയ്ഖ് സായിദ് റോഡിൽ വ്യാഴാഴ്ച ഉച്ചകഴിഞ്ഞ് മറ്റൊരു അപകടവും റിപ്പോർട്ട് ചെയ്തിരുന്നു. ട്രേഡ് സെന്റർ റൗണ്ട് എബൗട്ടിന്റെ ദിശയിൽ ഷാംഗ്രി-ലാ ഹോട്ടലിന് സമീപം ഒന്നിലധികം വാഹനങ്ങൾ കൂട്ടിയിടിച്ചുവെന്നും ദുബായ് പോലീസ് പറഞ്ഞു.
പകൽ സമയത്ത് പൊടിക്കാറ്റ് വീശുമെന്നുള്ള കാലാവസ്ഥ മുന്നറിയിപ്പും വന്നിട്ടുണ്ട്. ഈ സാഹചര്യത്തിൽ ഡ്രൈവർമാർ വാഹനമോടിക്കുമ്പോൾ ജാഗ്രത പാലിക്കണമെന്നും ദുബായ് പൊലീസ് വ്യക്തമാക്കി.
