വ്യാജവാർത്ത ചമച്ച്‌ അപകീർത്തിപ്പെടുത്താൻ ശ്രമിച്ചെന്ന പി വി ശ്രീനിജിൻ എംഎൽഎയുടെ പരാതിയിൽ ഷാജൻ സ്‌കറിയക്കെതിരെ ജാമ്യമില്ലാ വകുപ്പ് പ്രകാരം കേസെടുത്തു.
എംഎൽഎയുടെ പരാതിയിൽ മറുനാടൻ മലയാളി എഡിറ്റർ ഷാജൻ സ്‌കറിയ, സി ഇ ഒ ആൻ മേരി ജോർജ്, ചീഫ് എഡിറ്റർ ജെ റിജു എന്നിവർക്കെതിരെയാണ് എളമക്കര പൊലീസ് കേസെടുത്തത്. പട്ടിക ജാതി അധിക്ഷേപ നിയമപ്രകാരമാണ് ഷാജനെതിരെ കേസെടുത്തിരിക്കുന്നത്.
മറുനാടൻ മലയാളിക്കെതിരെ വ്യാഴാഴ്‌ച‌യാണ് ശ്രീനിജിൻ എംഎൽഎ പൊലീസ് സ്റ്റേഷനിൽ പരാതി നൽകിയത്. വർഷങ്ങളായി മറുനാടൻ മലയാളി തന്നെ നിരന്തരം വേട്ടയാടി വ്യാജവാർത്തകൾ പ്രചരിപ്പിക്കുകയാണെന്ന്‌ ശ്രീനിജിൻ എംഎൽഎ പരാതിയിൽ ചൂണ്ടിക്കാട്ടിയിരുന്നു.
