‘മല്ലു ട്രാവലര്‍’ യൂട്യൂബ് ചാനല്‍ ഉടമ ഷാക്കിര്‍ സുബാനെതിരെ ആദ്യ ഭാര്യയുടെ പരാതിയിൽ പോക്സോ വകുപ്പ് പ്രകാരം കേസ്. ധര്‍മ്മടം പൊലീസാണ് കേസെടുത്തത്.
ലൈംഗികമായി തന്നെ ഉപദ്രവിച്ചുവെന്നും 15ആം വയസിലാണ് ആദ്യമായി അബോര്‍ഷന്‍ നടന്നെന്നും ആദ്യ ഭാര്യ വെളുപ്പെടുത്തിയിരുന്നു. 15ആം വയസ്സിൽ അബോർഷൻ ആകണമെങ്കിൽ എത്രാമത്തെ വയസ്സിലാണ് തന്റെ വിവാഹം നടന്നതെന്ന് മനസ്സിലായില്ലേ എന്ന ചോദ്യവും ആദ്യ ഭാര്യ ഉന്നയിച്ചിരുന്നു.
ഗര്‍ഭിണിയായിരുന്ന സമയത്ത് നിര്‍ബന്ധിച്ച് ബിയര്‍ കഴിപ്പിച്ചു എന്നതുള്‍പ്പെടെയുള്ള ഗുരുതര ആരോപണങ്ങളും ഉന്നയിച്ചിരുന്നു. കുടുംബത്തിലെ പല സ്ത്രീകളുടേയും ഒളിക്യാമറ ദൃശ്യങ്ങള്‍ പകര്‍ത്തി ബ്ലാക്ക്‌മെയില്‍ ചെയ്ത് ഷാക്കിര്‍ ഉപദ്രവിച്ചു. നിരവധി പെണ്‍കുട്ടികള്‍ ഷാക്കിറിന്റെ കെണിയില്‍ വീണുവെന്ന് അറിഞ്ഞതിന്റെ പശ്ചാത്തലത്തിലാണ് വെളിപ്പെടുത്തലെന്നും യുവതി പറഞ്ഞിരുന്നു,
