സൗദി- ഇന്ത്യ യാത്രക്കാർക്ക് വൻ ഓഫറുമായി പ്രമുഖ ബജറ്റ് എയർലൈൻ കമ്പനിയായ ജസീറ എയർവേയ്സ്. കേരളത്തിൽ കൊച്ചിയിലേക്ക് മാത്രമാണ് ജസീറ എയർവേയ്സ് സർവീസ് നടത്തുന്നത്. 169 റിയാൽ മുതലാണ് ടിക്കറ്റ് നിരക്ക്. എന്നാൽ മൂന്ന് ദിവസത്തിനുള്ളിൽ ടിക്കറ്റ് എടുക്കുന്നവർക്കാണ് ഈ ഇളവ് ലഭിക്കുക. ജിദ്ദ,റിയാദ്, ഹാഇൽ എന്നിവിടങ്ങളിൽ നിന്ന് കൊച്ചിയിലേക്ക് 349 റിയാലും, ദമ്മാം, ഖസീം, മദീന എന്നിവിടങ്ങളിൽ നിന്ന് 299 റിയാലുമാണ് ടിക്കറ്റ് നിരക്ക്.
അതേസമയം കൊച്ചിക്ക് പുറമെ ഇന്ത്യയിൽ ഡൽഹി, മുംബൈ, ബംഗളൂരു, ഹൈദരാബാദ്, ചെന്നൈ എന്നിവിടങ്ങളിലേക്കും ജസീറ എയർവേയ്സ് സർവിസ് നടത്തുന്നുണ്ട്. ജിദ്ദയിൽ നിന്ന് മുംബൈയിലേക്ക് 199 റിയാലും ബംഗളൂരുവിലേക്ക് 299 റിയാലും ഹൈദരാബാദിലേക്ക് 249 റിയാലുമാണ് ടിക്കറ്റ് നിരക്ക്. എന്നാൽ റിയാദിൽ നിന്ന് ചെന്നൈയിലേക്ക് 299 റിയാൽ, ഹൈദരാബാദിലേക്ക് 229 റിയാൽ, മുംബൈ, ഡൽഹി എന്നിവിടങ്ങളിലേക്ക് 169 റിയാൽ, ബംഗളൂരുവിലേക്ക 299 റിയാൽ എന്നിങ്ങിനെയാണ് ഈടാക്കുന്നത്. കൂടാതെ ദമാമിൽ നിന്ന് ചെന്നൈയിലേക്കും ഹൈദരാബാദിലേക്കും 299 റിയാലാണ് ടിക്കറ്റ് നിരക്ക്. മാത്രമല്ല അൽ ഖസീം, മദീന, ഹാഇൽ എന്നിവിടങ്ങളിൽ നിന്നും ഇന്ത്യയിലെ വിവിധ വിമാനത്താവളങ്ങളിലേക്കും ടിക്കറ്റിന് ഓഫർ പ്രഖ്യാപിച്ചിട്ടുണ്ട്.
