2023 മാർച്ച് 7 മുതൽ 9 വരെ ദുബായ് വേൾഡ് ട്രേഡ് സെൻ്ററിൽ നടക്കുന്ന വേൾഡ് പൊലീസ് ഉച്ചകോടി 202ൽ മാധ്യമ സഹകരണവും ഏകോപനവും വർദ്ധിപ്പിക്കുന്നതിനായി ദുബായ് പൊലീസും എമിറേറ്റ്സ് ന്യൂസ് ഏജൻസിയും (വാം)സംയുക്ത മാധ്യമ കരാറിൽ ഒപ്പുവച്ചു.ദുബായ് പൊലീസിലെ എക്‌സലൻസ് ആൻഡ് പയനിയറിംഗ് അഫയേഴ്‌സ് അസിസ്റ്റൻ്റ് കമാൻഡർ-ഇൻ-ചീഫ് മേജർ ജനറൽ ഡോ.അബ്ദുൾ ഖുദ്ദൂസ് അബ്ദുൾ റസാഖ് അൽ ഒബൈദ്‌ലിയും നിരവധി ഉദ്യോഗസ്ഥരുടെയും മാധ്യമപ്രവർത്തകരുടെയും സാന്നിധ്യത്തിൽ എമിറേറ്റ്സ് ന്യൂസ് ഏജൻസി ഡയറക്ടർ ജനറൽ മുഹമ്മദ് ജലാൽ അൽ റയ്‌സിയാണ് കരാറിൽ ഒപ്പുവച്ചത്.
ഇരുപക്ഷവും തമ്മിൽ വർദ്ധിച്ചുവരുന്ന സഹകരണത്തിൽ മേജർ ജനറൽ അൽ ഒബൈദ്‌ലി സന്തോഷം പ്രകടിപ്പിച്ചു. മാധ്യമ മേഖലയിലെ വാമിൻ്റെ ആഗോള നിലവാരം അദ്ദേഹം ചൂണ്ടിക്കാട്ടി, പ്രാദേശികമായും ആഗോളമായും മാധ്യമ സന്ദേശങ്ങൾ കൈമാറാനുള്ള വാമിൻ്റെ കഴിവും രാജ്യത്തിനകത്തും പുറത്തും സുരക്ഷ ശക്തിപ്പെടുത്തുന്നതിനുള്ള യുഎഇ നേതൃത്വത്തിൻ്റെ സമീപനത്തിനുള്ള പിന്തുണയും അദ്ദേഹം വ്യക്തമാക്കി.
ഏജൻസിയുടെ കഴിവുകൾ, വൈദഗ്ധ്യം, അന്തർദേശീയ ബന്ധങ്ങൾ എന്നിവയിലുള്ള വിശ്വാസത്തിന് ദുബായ് പൊലീസിന് അൽ റയ്സി നന്ദി പറഞ്ഞു, ലോക പോലീസ് ഉച്ചകോടി ഒരു സുപ്രധാന അന്താരാഷ്ട്ര സംഭവമാണെന്നും അദ്ദേഹം കൂട്ടിച്ചേത്തു. മാധ്യമ ഉടമ്പടി പ്രകാരം,വാർത്തകൾ, ഫോട്ടോകൾ, സെഷനുകൾ, വർക്ക്ഷോപ്പുകൾ, മറ്റ് പ്രവർത്തനങ്ങൾ എന്നിവയിലെ വൈദഗ്ധ്യവും മുതലാക്കി ത്രിദിന ഉച്ചകോടി കവർ ചെയ്യുന്നതിൽ ഇരുപക്ഷവും സഹകരിക്കും.
