‘മനുഷ്യത്വത്തിനായുള്ള യോഗ’ എന്ന സന്ദേശമുയര്‍ത്തി എട്ടാമത് യോഗ ദിനം. അന്താരാഷ്ട്ര തലത്തില്‍ സംഘടിപ്പിച്ച യോഗാദിനാചരണം ലോകത്തിന് നല്‍കിയത് പുതിയ സന്ദേശം. യോഗ ലോകത്തിന് സമ്മാനിച്ച ഇന്ത്യയോട് നന്ദി പറഞ്ഞുകൊണ്ടാണ് മിക്ക രാജ്യങ്ങളിലും യോഗ ദിനാചരണ പരിപാടികൾ നടന്നത്. ഇന്ത്യയിലും വിപുലമായി യോഗ ദിനാചരണങ്ങൾ സംഘടിപ്പിച്ചു.

യോഗയില്‍ നിന്നുളള സമാധാനം വ്യക്തികൾക്ക് മാത്രമല്ല, രാജ്യത്തിനും ലോകത്തിനും സമാധാനം പ്രദാനം ചെയ്യുന്നെന്ന് പ്രധാനമന്ത്രി നരേന്ദ്ര മോദി പറഞ്ഞു. യോഗ ലോകത്തിന്‍റെ ദേശീയ ഉത്സവമാണെന്നും മോദി കൂട്ടിച്ചേര്‍ത്തു.യോഗ ജീവിത്തിന്‍റെ ഭാഗം എന്നതിനപ്പുറം ജീവിതരീതിയായി മാറുകയാണെന്നും കോവിഡ് പ്രതിരോധത്തില്‍ യോഗ പ്രധാന പങ്കുവഹിച്ചെന്നും മോദി സൂചിപ്പിച്ചു. മൈസൂരുവില്‍ സംഘിടിപ്പിച്ച യോഗാദിനാചരണ പരിപാടിയില്‍ സംസാരിക്കുകയായിരുന്നു പ്രധാനമന്ത്രി. ലോകമെമ്പാടും 25 കോടിപ്പേര്‍ യോഗദിനാചരണത്തിന്‍റെ ഭാഗമായി. രാജ്യത്ത് 75 ചരിത്രപ്രധാന കേന്ദ്രങ്ങളിലാണ് പരിപാടി സംഘടിപ്പിച്ചിട്ടുളളതെന്ന് ആയുഷ് മന്ത്രാലയവും വ്യക്തമാക്കി.

അതേസമയം യുഎഇയില്‍ സംഘടിപ്പിച്ച പരിപാടി സഹിഷ്ണുത- സഹവർത്തിത്വ മന്ത്രി ഷെയ്ഖ് നഹ്യാൻ ബിൻ മുബാറക് അൽ നഹ്യാൻ ഉദ്ഘാടനം ചെയ്തു. പരമ്പരാഗത ഇന്ത്യൻ അഭിവാദന മാർഗമായ ‘നമസ്‌തേ’ ഉച്ഛരിച്ചാണ് അദ്ദേഹം ജനതയെ അഭിവാദ്യം ചെയ്തത്. സാർവത്രിക ആഗോള മൂല്യങ്ങളും അന്താരാഷ്ട്ര ഐക്യവും സമാധാനവും പ്രചരിപ്പിക്കുന്നതിനുള്ള പുതുക്കിയ പ്രതിബദ്ധതയോടെയാണ് യുഎഇ യോഗ ദിനം ആഘോഷിക്കുന്നതെന്ന് മന്ത്രി അടിവരയിട്ടു. ഒരു സൂര്യൻ, ഒരു ഭൂമി എന്ന ആശയത്തിന് അടിവരയിടുന്നതാണ് യോഗയെന്ന് യുഎഇയിലെ ഇന്ത്യൻ അംബാസഡർ സഞ്ജയ് സുധീർ പറഞ്ഞു.

2015 മുതലാണ് അന്താരാഷ്ട്ര യോഗദിനത്തിന് തുടക്കമായത്. െഎക്യരാഷ്ട്ര സഭയുടെ 69-ാമത് സമ്മേളത്തില്‍ ഇന്ത്യന്‍ പ്രധാനമന്ത്രി നേരേന്ദ്ര മോദി മുന്നോട്ടുവച്ച ആശയത്തിന് യുഎന്‍ ജനറല്‍ അസംബ്ളി അംഗീകാരം നല്‍കുകയായിരുന്നു.

ഇന്ന് ലോകാരോഗ്യ ദിനം; ആഗോള ആരോഗ്യ സൂചികയിൽ യുഎഇ മുൻ നിരയിൽ

Date:

Share post:

ലോക ജനതയുടെ ആരോഗ്യ സംരക്ഷണം വെല്ലുവിളികളിലൂടെ കടന്നുപോകുന്ന കാലഘട്ടത്തിലാണ് ഈ വർഷത്തെ ലോകാരോഗ്യദിനം കടന്നുവരുന്നത്.ലോകാരോഗ്യ സംഘടനയുടെ ആഭിമുഖ്യത്തിലാണ് ഏപ്രിൽ 7 ലോകാരോഗ്യ ദിനമായി ആഘോഷിക്കുന്നത്.’നമ്മുടെ ഭൂമി നമ്മുടെ ആരോഗ്യം’ എന്ന സന്ദേശം അടിസ്ഥാനമാക്കിയാണ് ഈ വർഷത്തെ ലോകാരോഗ്യ ദിനാചരണ പരിപാടികൾ.

കോവിഡ് മഹാമാരി ആഗോള െഎക്യത്തോടെ ചെറുത്തുതോൽപ്പിച്ച ജനത പുതിയ വൈറസുകളുടെ ഭീതിയിലാണ്. എബോളയെന്ന ഭീകര വൈറസിന് സമാനമായ മാർബെർഗ് വൈറസാണ് പുതിയ ഭീഷണി.ഇക്വിറ്റോറിയൽ ഗിനിയ, ടാൻസാനിയ എന്നീ രാജ്യങ്ങളിൽ ഇതിനകം മരണം വിതച്ചുതുടങ്ങിയ വൈറസിനെതിരേ ലോകാരോഗ്യ സംഘടനയുടെ ജാഗ്രതാ നിർദ്ദേശം എത്തിക്കഴിഞ്ഞു.

യുഎഇ, സൌദി, ഖത്തർ പോലെയുളള ഗൾഫ് നാടുകൾ യാത്രകൾക്ക് നിയന്ത്രണവും സുരക്ഷാ നിർദ്ദേശവും നൽകിയിരിക്കുകയാണ്. രോഗികളുമായി സമ്പർക്കത്തിലുളളവരും രോഗബാധിത പ്രദേശങ്ങളിൽ സഞ്ചരിച്ചവരും ക്വാറൻ്റൈനിൽ പോകണമെന്ന ഔദ്യോഗിക നിർദ്ദശങ്ങളും നൽകിക്കഴിഞ്ഞു.

പുതിയ കാലത്തെ പുതിയ ആരോഗ്യ വെല്ലുവിളികളെ നേരിടാൻ കൂട്ടായ പരിശ്രമത്തിനാണ് ശ്രമങ്ങൾ നടക്കുന്നത്. ഇതിനിടെ ആഗോളതലത്തിലെ ആരോഗ്യ സൂചികയിൽ യുഎഇ മുൻ നിരയിലെന്ന് യുഎഇ ആരോഗ്യ-പ്രതിരോധ മന്ത്രി അബ്ദുൾറഹ്മാൻ ബിൻ മുഹമ്മദ് അൽ ഒവൈസ് വ്യക്തമാക്കി. 14 ആരോഗ്യ സൂചകങ്ങളുടെ അടിസ്ഥാനത്തിലാണ് യുഎഇ മുന്നിലെത്തിയതെന്നും അദ്ദേഹം വിശദീകരിച്ചു. ലോകാരോഗ്യ ദിനത്തിന് മുന്നോടിയായി സംഘടിപ്പിച്ച പരിപാടിയിൽ ‘എല്ലാവർക്കും ആരോഗ്യം’ എന്ന വിഷയത്തിൽ പ്രമേയം അവതരിപ്പിക്കുകയായിരുന്നു അദ്ദേഹം.

ആർട്ടിഫിഷ്യൽ ഇൻ്റലിജൻസ്, ബിഗ് ഡാറ്റ തുടങ്ങിയ നൂതന സാങ്കേതികവിദ്യകളുടെ സഹായത്തോടെ ആരോഗ്യരംഗത്ത് പുതിയ കുതിപ്പുണ്ടാക്കാനും രോഗ പ്രതിരോധത്തിനും ചികിത്സയ്ക്കും യുഎഇ നടപ്പാക്കുന്ന പരിപാടികളാണ് രാജ്യത്തെ മുൻനിരയിൽ    എത്തിച്ചതെന്നും അദ്ദേഹം വ്യക്തമാക്കി. ഒപ്പം ആരോഗ്യ രംഗത്തെ യുഎഇയുടെ നേട്ടങ്ങൾ ആഘോഷിക്കാനുളള അവസരമാണ് ലോകാരോഗ്യ ദിനമെന്ന് ആരോഗ്യ-പ്രതിരോധ മന്ത്രാലയം അണ്ടർസെക്രട്ടറി ഡോ. മുഹമ്മദ് സലിം അൽ ഒലാമയും പറഞ്ഞു.

ആരോഗ്യകരമായ ജീവിതശൈലി പ്രോത്സാഹിപ്പിക്കുക എന്നത് യുഎഇയുടെ പ്രധാനപ്പെട്ട ദേശീയ നയങ്ങളിലൊന്നാണ് . അതേസമയം സന്തുലിതവുമായ സുരക്ഷിതവുമായ ജീവിതശൈലിയും വൈറസുകൾക്കെതിരായ ജാഗ്രതയും കൂട്ടായ ആരോഗ്യ സംരക്ഷണ പ്രയത്നങ്ങളും വരും നാളെകളിൽ അനിവാര്യമാണെന്നു കൂടി ഓർമ്മിപ്പിച്ചുകൊണ്ടാണ് ഒരു ഏപ്രിൽ 7 കൂടി നമുക്ക് മുന്നിലേക്ക് എത്തുന്നത്.

LEAVE A REPLY

Please enter your comment!
Please enter your name here

spot_img

Related articles

വേഷം തെരഞ്ഞെടുക്കുന്നത് പോലെ ആഭരണങ്ങളും; ഫഹദിൻ്റെ പരസ്യം ഹിറ്റ്

മലയാളികളുടെ പ്രിയ നടൻ ഫഹദ് ഫാസിൽ ബ്രാൻഡ് അംബാസിഡർ ആയ കവിത ഗോൾഡ് ആൻഡ് ഡയമണ്ട്സിൻ്റെ ഏറ്റവും പുതിയ പരസ്യം വൻഹിറ്റ്. സ്റ്റൈലിലും ആറ്റിട്യൂഡിലും...

പുതുവർഷത്തെ വരവേൽക്കാനൊരുങ്ങി ദുബായ്; 6 സ്ഥലങ്ങളിൽ കരിമരുന്ന് പ്രകടനം

2025-നെ വരവേൽക്കാനൊരുങ്ങിയിരിക്കുകയാണ് ദുബായ്. വിവിധ ആഘോഷ പരിപാടികളാണ് എമിറേറ്റിന്റെ വിവിധ ഭാ​ഗങ്ങളിലായി ഒരുക്കിയിരിക്കുന്നത്. പുതുവർഷത്തിൻ്റെ ആദ്യ മിനിറ്റുകളിൽ ദുബായിലെ ആറ് പ്രദേശങ്ങളിൽ കരിമരുന്ന് പ്രകടനം...

ബാഡ്മിന്റൺ താരം പി.വി സിന്ധു വിവാഹിതയായി; വരൻ വെങ്കടദത്ത സായ്

ബാഡ്മിന്റൺ താരം പി.വി സിന്ധു വിവാഹിതയായി. സോഫ്റ്റ്വെയർ കമ്പനിയായ പൊസിഡെക്‌സ് ടെക്നോളജീസിൻ്റെ എക്‌സിക്യൂട്ടീവ് ഡയറക്ടർ വെങ്കടദത്ത സായിയാണ് വരൻ. വിവാഹത്തിൽ രാജ്യത്തെ രാഷ്ട്രീയ, കായിക,...

സൗദിയിൽ ഉല്പാദിപ്പിക്കുന്ന ഒട്ടക പാലിന് ആഗോള വിപണിയിൽ വൻ ഡിമാന്റ്; ലിറ്ററിന് 20 ഡോളര്‍ വരെ

ആ​ഗോള വിപണി കയ്യടക്കുകയാണ് സൗദിയിൽ ഉല്പാദിപ്പിക്കുന്ന ഒട്ടക പാൽ. രാജ്യത്തെ ഒട്ടക പാലിനും അനുബന്ധ ഉല്പന്നങ്ങൾക്കും ആഗോള വിപണിയിൽ വൻ ഡിമാന്റാണുള്ളത്. അന്താരാഷ്ട്ര വിപണിയിൽ...