ഭക്ഷ്യസുരക്ഷാ നിയമങ്ങൾ ലംഘിച്ചതിന്റെ പേരിൽ അബുദാബിയിൽ രണ്ട് ഇറച്ചിക്കടകളും ഒരു സൂപ്പർമാർക്കറ്റും അടപ്പിച്ച് അബുദാബി അഗ്രികൾച്ചർ ആൻഡ് ഫുഡ് സേഫ്റ്റി അതോറിറ്റി. Al Amal Butchery, Al Ayham Butchery എന്നിങ്ങനെ മുഷ്‌രിഫ് മാളിൽ സ്ഥിതി ചെയ്യുന്ന രണ്ട് കടകളാണ് പൊതുജനാരോഗ്യത്തെ അപകടപ്പെടുത്തുന്ന വിധത്തിൽ പ്രവർത്തിച്ചതെന്ന് അതോറിറ്റി കണ്ടെത്തിയത്.
ഇത്തരത്തിൽ ഭക്ഷ്യ സുരക്ഷാ ആവശ്യകതകളുമായി ബന്ധപ്പെട്ട ലംഘനങ്ങൾ ആവർത്തിക്കുന്നത് മൂലമാണ് ഈ അടച്ചുപൂട്ടൽ തീരുമാനമെന്ന് അതോറിറ്റി അറിയിച്ചു. ഭക്ഷണം തയ്യാറാക്കുന്ന സ്ഥലങ്ങളിൽ പ്രാണികളുടെ വ്യാപനം കണ്ടെത്തിയിരുന്നു. അതിന് പുറമെ ആരോഗ്യ മാനദണ്ഡങ്ങളും ഭക്ഷ്യ സുരക്ഷാ ആവശ്യകതകളും പാലിക്കുന്നതിൽ പരാജയപ്പെട്ടതിന് രണ്ട് കശാപ്പ്ശാലകൾക്കും മുമ്പ് മൂന്ന് നിയമലംഘന റിപ്പോർട്ടുകളും അടച്ചുപൂട്ടുമെന്ന മുന്നറിയിപ്പും ലഭിച്ചിരുന്നു.
ലംഘനങ്ങളിൽ ഇറക്കുമതി ചെയ്ത മാംസത്തെ പ്രാദേശിക ഉൽപന്നമായി തെറ്റായി ചിത്രീകരിച്ചിട്ടുണ്ട്. മാത്രമല്ല പാറ്റകളുടെ സാന്നിധ്യവും ഇവിടെ ഉണ്ടായിരുന്നു. ഖാലിദിയ മേഖലയിൽ സ്ഥിതി ചെയ്യുന്ന സേഫ്വേ സൂപ്പർമാർക്കറ്റിനെതിരെയും (Safeway supermarket) അതോറിറ്റി നടപടി സ്വീകരിച്ചിട്ടുണ്ട്. അലമാരയിൽ പ്രദർശിപ്പിച്ചിരിക്കുന്ന കാലാവധി കഴിഞ്ഞ ഭക്ഷ്യ ഉൽപന്നങ്ങൾ വിൽപ്പന നടത്തുന്നതായും കണ്ടെത്തി. ഒന്നിലധികം ലംഘനങ്ങൾ ആവർത്തിച്ചതിനാലാണ് ഈ അടച്ചുപൂട്ടൽ നടപ്പിലാക്കിയതെന്ന് അതോറിറ്റി അറിയിച്ചു.
