ഞായറാഴ്ച യുഎഇയുടെ ചില ഭാഗങ്ങളിൽ കനത്ത മഴയും ആലിപ്പഴ വർഷവുമാണ് ഉണ്ടായത്. ഇന്നും രാജ്യത്ത് ഭാഗികമായി മേഘാവൃതമായ കാലാവസ്ഥയായിരിക്കുമെന്ന് നാഷണൽ സെൻ്റർ ഓഫ് മെറ്റീരിയോളജി (NCM) അറിയിച്ചു.
അബുദാബിയിലും ദുബായിലും യഥാക്രമം 39 ഡിഗ്രി സെൽഷ്യസും 38 ഡിഗ്രി സെൽഷ്യസും വരെ താപനില ഉയരും.
അതേസമയം മെയ് 2 വ്യാഴാഴ്ച യുഎഇയുടെ വിവിധഭാഗങ്ങളിൽ അസ്ഥിരമായ കാലാവസ്ഥയും മഴയും പ്രതീക്ഷിക്കണമെന്നാണ് നാഷണൽ സെൻ്റർ ഓഫ് മെറ്റീരിയോളജി അറിയിച്ചിരിക്കുന്നത്. വരും ദിവസങ്ങളിൽ യുഎഇയിലെ ചില പ്രദേശങ്ങളിൽ കനത്ത മഴയ്ക്കും, ഇടിമിന്നലിനൊപ്പവും ആലിപ്പഴ വർഷത്തിനും സാധ്യതയുണ്ട്.
