രാജ്യത്തിൻ്റെ വിവിധ ഭാഗങ്ങളിൽ ഇന്ന് മഴ തകർത്ത് പെയ്തു. കനത്ത മഴയ്ക്ക് പിന്നാലെ യുഎഇയിലുടനീളമുള്ള ടൂർ ഓപ്പറേറ്റർമാർ ഡെസേർട്ട് സഫാരി, ക്രൂയിസുകൾ എന്നിവ റദ്ദാക്കി.
മോശം കാലാവസ്ഥ കാരണം ബുധനാഴ്ച വരെ എല്ലാ ഔട്ട്ഡോർ പ്രവർത്തനങ്ങളും നിർത്തിവച്ചതായി അറേബ്യൻ ടൂർസിലെ മാനേജർ കോമൾ വ്യക്തമാക്കി. “ഡെസേർട്ട് സഫാരികൾ, ക്രൂയിസ് യാത്രകൾ, മറ്റ് പ്രവർത്തനങ്ങൾ എന്നിവ ബുക്ക് ചെയ്ത എല്ലാവർക്കും പണം തിരികെ നൽകുമെന്ന്” അവർ ഉപഭോക്താക്കൾക്ക് ഉറപ്പ് നൽകി.
കാലാവസ്ഥ പൂർണമായും മാറുന്നതുവരെ ഡെസേർട്ട് സഫാരികൾ പുനരാരംഭിക്കാൻ സാധ്യതയില്ലെന്ന് ഡെസേർട്ട് സഫാരി ഡ്രൈവർ മുഹമ്മദ് അംജദ് പറയുന്നു.
