ഇന്ന് യുഎഇയിൽ പതാക ദിനം ആഘോഷിക്കുകയാണ്. ഖസർ അൽ ഹൊസനിൽ വിദ്യാർത്ഥികൾക്കൊപ്പം യുഎഇ പ്രസിഡൻ്റ് ഷെയ്ഖ് മുഹമ്മദ് ബിൻ സായിദ് അൽ നഹ്യാൻ പതാക ഉയർത്തി. ആഘോഷങ്ങൾക്ക് ശേഷം ‘ഖസർ അൽ ഹോസിൽ വിദ്യാർത്ഥികളോടൊപ്പം ഞങ്ങൾ അഭിമാനപൂർവ്വം യുഎഇ പതാക ഉയർത്തി’ എന്ന് അദ്ദേഹം എക്‌സിൽ കുറിച്ചു.
യുഎഇ വൈസ് പ്രസിഡൻ്റും പ്രധാനമന്ത്രിയും ദുബായ് ഭരണാധികാരിയുമായ ഷെയ്ഖ് മുഹമ്മദ് ബിൻ റാഷിദ് അൽ മക്തൂം ‘പതാക നമ്മുടെ അഭിമാനത്തിൻ്റെയും മഹത്വത്തിൻ്റെയും രാജ്യത്തിൻ്റെയും പ്രതീകമാണെന്നും ജനങ്ങളുടെ നേട്ടങ്ങൾ പതാകയോടൊപ്പം ഉയരുമെന്നും’ കുറിച്ചു.
ദുബായ് ഭരണാധികാരിയുടെ ആഹ്വാനത്തെ തുടർന്ന് നവംബർ ഒന്നിന് രാജ്യത്തുടനീളമുള്ള നിരവധി സ്ഥാപനങ്ങൾ യുഎഇ പതാക ഉയർത്തിയിരുന്നു.
