എമിറേറ്റിലെ ഒരു പ്രധാന റോഡ് ഭാഗികമായി അടച്ചിടുമെന്ന് മുന്നറിയിപ്പ് നൽകി അബുദാബിയിലെ ഇന്റഗ്രേറ്റഡ് ട്രാൻസ്‌പോർട്ട് സെന്റർ.
അബുദാബി ഷെയ്ഖ് സായിദ് ബിൻ സുൽത്താൻ റോഡ് (E10) – സെപ്റ്റംബർ 14 വ്യാഴാഴ്ച മുതൽ സെപ്റ്റംബർ 18 തിങ്കളാഴ്ച വരെ അടച്ചിടുമെന്നാണ് അറിയിപ്പ്. ഒരു ഇടത് പാത വ്യാഴാഴ്ച രാത്രി 10 മണി മുതൽ തിങ്കളാഴ്ച രാവിലെ 6 മണി വരെ ഭാഗിക അടച്ചിടും.
മറ്റ് രണ്ട് ഇടത് പാതകൾ സെപ്റ്റംബർ 15 വെള്ളിയാഴ്ച രാത്രി 10 മുതൽ തിങ്കളാഴ്ച രാവിലെ 6 വരെ അടച്ചിരിക്കും. അതോറിറ്റി എക്‌സിലൂടെയാണ് ഇക്കാര്യം അറിയിച്ചത്. ട്രാഫിക് നിയമങ്ങളും ചട്ടങ്ങളും പാലിച്ച് ശ്രദ്ധയോടെ വാഹനമോടിക്കാനും താമസക്കാരോട് അതോറിറ്റി അഭ്യർത്ഥിച്ചു.
