യുഎഇയിലെ മരുഭൂമികളിലും ബീച്ചുകളിലും ക്യാമ്പിംഗ് സീസൺ ആരംഭിച്ചതോടെ പിഴ വരാതെ സൂക്ഷിക്കണമെന്ന് മുന്നറിയിപ്പ്. നിയമലംഘനങ്ങൾക്ക് 15000 ദിർഹം വരെ പിഴ ഈടാക്കുമെന്നാണ് ഓർമ്മപ്പെടുത്തൽ. ക്യാമ്പിംഗ് മേഖലിൽ പ്രവർത്തിക്കുന്ന ഏജൻസികളും ഉദ്യോഗസ്ഥരുമാണ് ഇക്കാര്യം ഓർമ്മിപ്പിച്ചത്.
മാലിന്യം വലിച്ചെറിയുന്നത് മുതൽ തെറ്റായ പാർക്കിംഗ് നടത്തുന്നതുവരെ പിഴ ഈടാക്കാവുന്ന നിയമലംഘനങ്ങളാണ്.പരിസ്ഥിതിക്ക് കോട്ടംതട്ടുന്ന ഇടപെടലുകൾക്കും വേട്ടയാടലുകൾക്കും വൻ തുകയാണ് പിഴയായി ഈടാക്കുക. ഓരോ എമിറേറ്റ്സിലും വെത്യസ്ത നിരക്കിലാണ് പിഴകൾ നിശ്ചയിച്ചിരിക്കുന്നത്. ഏഴ് എമിറേറ്റുകളിലും ക്യാമ്പിംഗ്, വിനോദ പ്രവർത്തനങ്ങൾ, ഡ്യൂൺസ് ബാഷിംഗ് എന്നിവയ്ക്കായി നിശ്ചിത ലൊക്കേഷനുകൾ സ്ഥാപിച്ചിട്ടുണ്ട്. വിനോദോപാതികൾക്ക് സുരക്ഷ മുൻനിർത്തിയാണ് അനുമതികൾ ഉളളത്.
ടെൻ്റ് ക്യാമ്പുകൾക്ക് സഹായം നൽകുന്ന ഏജൻസികളുടെ സേവനവും ലഭ്യമാണ്. സന്ദർശകർക്കും താമസക്കാർക്കും ക്യാമ്പിംഗ് നിയമങ്ങളേയും മാനദണ്ഡങ്ങളേയും സംബന്ധിച്ച് വേണ്ടത്ര അവബോധമില്ലാത്തതും പിഴവരുത്തിവയ്ക്കും.
ക്യാമ്പിംഗ് മേഖലകളിലെ നിബന്ധനകളും പിഴയും അറിയാം.
- തെറ്റായി പാർക്ക് ചെയ്യുന്നതിനും ട്രാഫിക്
നിയമങ്ങൾ ലംഘിക്കുന്നതിനും 1,000 ദിർഹം വരെ പിഴ ഈടാക്കും. - മാലിന്യം വലിച്ചെറിഞ്ഞാൽ ഷാർജയിൽ 2,000 ദിർഹമാണ് പിഴ;
ദുബായിലും റാസൽഖൈമയിലും 500 ദിർഹം - ഷാർജയിലും ഫുജൈറയിലും അനധികൃത സ്ഥലങ്ങളിൽ
ക്യാമ്പ് ചെയ്താൽ 2,000 ദിർഹം - നിലത്ത് തീ കത്തിച്ചാൽ 2,000 ദിർഹമാണ് പിഴ;
റാസൽഖൈമയിലും ജബൽ ജെയ്‌സിലും ൽ 500 ദിർഹം - മരുഭൂമിയിൽ വാഹനങ്ങളിൽ നിന്നുള്ള
എണ്ണ ചോർച്ചയ്ക്ക് 2,000 ദിർഹം - ബീച്ചുകൾ, ഗ്രീൻ ഏരിയകൾ, പാർക്കുകൾ എന്നിവ
പോലുള്ള നിയുക്ത സ്ഥലങ്ങളിൽ ബാർബിക്യൂവിംഗിനും
ഗ്രില്ലിംഗിനും 500 ദിർഹം - പുല്ല് നീക്കം ചെയ്യുകയോ, മരങ്ങൾ മുറിക്കുകയോ
ഒരു പ്രദേശത്ത് നിന്ന് മണൽ നീക്കം ചെയ്യുകയോ
പോലുള്ള പാരിസ്ഥിതിക നാശനഷ്ടങ്ങൾ
ഉണ്ടാക്കുന്നെങ്കിൽ 10,000 ദിർഹം - സംരക്ഷിത പ്രദേശങ്ങളിൽ
പ്രവേശിച്ചാൽ 5,000 ദിർഹം - സംരക്ഷിത പ്രദേശത്തിനുള്ളിൽ വേട്ടയാടിയാൽ
15,000 ദിർഹം പിഴയും ലഭ്യമാകും
