ആറ് വർഷത്തെ അന്താരാഷ്ട്ര ക്രിക്കറ്റ് കരിയറിന് വിരാമമിട്ട് യുഎഇ മധ്യനിര ബാറ്റ്‌സ്മാൻ മുഹമ്മദ് ഉസ്മാൻ.അന്താരാഷ്ട്ര ക്രിക്കറ്റിൽ നിന്ന് മുഹമ്മദ് ഉസ്മാൻ വിരമിക്കാൻ തീരുമാനിച്ചതായി എമിറേറ്റ്‌സ് ക്രിക്കറ്റ് ബോർഡാണ് അറിയിച്ചത്.
38 ഏകദിനങ്ങളും 47 ടി20യും ഉൾപ്പടെ യു.എ.ഇയ്ക്കായി 85 അന്താരാഷ്ട്ര മത്സരങ്ങൾ മുഹമ്മദ് ഉസ്മാൻ കളിച്ചിട്ടുണ്ട്. ഇടങ്കയ്യൻ താരം എകദിനങ്ങളിൽ ഒരു സെഞ്ചുറിയുടെയും നാല് അർധസെഞ്ചുറികളുടെയും നേടിയിട്ടുണ്ട്. 31.50 ശരാശരിയിൽ 1,008 റൺസാണ് സമ്പാദ്യം.
ടി 20 കളിൽ നിന്ന് ഉസ്മാൻ മൂന്ന് അർധസെഞ്ചുറികളുടെ സഹായത്തോടെ 891 റൺസ് നേടിയിട്ടുണ്ട്. 2016ൽ എഡിൻബറോയിൽ സ്‌കോട്ട്‌ലൻഡിനെതിരെയാണ് ഉസ്മാൻ തൻ്റെ ഏകദിന അരങ്ങേറ്റം കുറിച്ചത്. യുഎഇയിലെ പ്രതിനിധീകരിച്ച് കളിക്കാൻ കഴിഞ്ഞതിൽ അഭിമാനമുണ്ടെന്നും പിന്തുണച്ച എല്ലാവർക്കും നന്ദിയെന്നും മുഹമ്മദ് ഉസ്മാൻ പ്രതികരിച്ചു. ലാഹോറാണ് മുഹമ്മദ് ഉസ്മാൻ്റെ ജന്മദേശം.
