അടുത്തയാഴ്ച മുതൽ അജ്മാനിലെ ഇൻഡസ്ട്രിയൽ ഏരിയയിൽ നിന്നും ഷാർജ റോളയിലേക്കുള്ള (SHJ2) ബസ് റൂട്ട് താത്ക്കാലികമായി നിർത്തിവെയ്ക്കുമെന്ന് അജ്മാൻ ട്രാൻസ്‌പോർട്ട് അതോറിറ്റി.
ഓഗസ്റ്റ് 1 മുതൽ ബസ് റൂട്ട് താൽക്കാലികമായി നിർത്തിവയ്ക്കുമെന്നാണ് അതോറിറ്റി വ്യക്തമാക്കിയിരിക്കുന്നത്. ഷാർജയിലെ ഏറ്റവും തിരക്കേറിയതും ജനപ്രിയവുമായ സമീപസ്ഥലങ്ങളിൽ ഒന്നാണ് റോള.
അജ്മാനിൽ നിന്ന് ഈ മേഖലയിലേക്ക് യാത്ര ചെയ്യുന്നവർ യാത്രയുടെ ഭാഗമായി രണ്ട് കണക്റ്റിംഗ് ബസുകളിൽ പോകേണ്ടിവരും. ബസ് റൂട്ട് താത്ക്കാലികമായി നിർത്തിവെച്ചതിനാൽ താമസക്കാർക്കും സന്ദർശകർക്കും അജ്മാനിലെ ഇൻഡസ്ട്രിയൽ ഏരിയയിൽ നിന്ന് ഷാർജയിലെ റോളയിലേക്ക് എജെ2 ബസിൽ (ഇൻഡസ്ട്രിയൽ ലൈൻ) കയറിയതിനു ശേഷം അൽ മുസല്ല ബസ് സ്റ്റേഷനിലെത്തി SHJ1 ബസിൽ കയറി ഷാർജ റോളയിലേക്ക് എത്താമെന്നും അജ്മാൻ ട്രാൻസ്‌പോർട്ട് അതോറിറ്റി അറിയിച്ചു.
