വാഹനാപകടത്തിൽപ്പെട്ട് പൊള്ളലേറ്റ് കിടന്ന യാത്രക്കാരെ പുറത്തുകടക്കാൻ സഹായിച്ച വനിതകളെ ആദരിച്ച് റാസൽ-ഖൈമ പോലീസ്. ആമിന മുഫ്ത മുഹമ്മദ്, മിത മുഫ്താ മുഹമ്മദ് എന്നീ 2 വനിതകളെയാണ് റാസൽ-ഖൈമ പോലീസ് ആദരിച്ചത്.
ആംബുലൻസ്, റെസ്ക്യൂ ടീമുകൾ എത്തുന്നതുവരെ ഈ വനിതകളുടെ ധീരമായ ഇടപെടൽ വാഹനത്തിലുണ്ടായിരുന്നവരുടെ ജീവൻ സംരക്ഷിക്കുന്നതിൽ നിർണായക പങ്ക് വഹിച്ചെന്ന് റാസൽ-ഖൈമ പോലീസ് പറഞ്ഞു.
അനബയിലെ റാസ് ഖൈമ പോലീസിന്റെ സെൻട്രൽ ഓപ്പറേഷൻസ് ആക്ടിംഗ് ഡയറക്ടർ ജനറൽ ബ്രിഗേഡിയർ അഹമ്മദ് സയീദ് അൽ നഖ്ബി, റാസിലെ ട്രാഫിക് ആൻഡ് പട്രോൾ ഡിപ്പാർട്ട്‌മെന്റ് ഡയറക്ടർ കേണൽ ഡോ. മുഹമ്മദ് അബ്ദുല്ല അൽ-ബഹാർ ഉൾപ്പെടെയുള്ള ബഹുമാനപ്പെട്ട പ്രമുഖരുടെ സാന്നിധ്യത്തിലാണ് രണ്ട് സ്വദേശി വനിതകളേയും ആദരിച്ചത്.
