ദുബായിലെ മാൾ ഓഫ് എമിറേറ്റ്‌സ് പ്രവേശന കവാടം താൽക്കാലികമായി അടച്ചിടും. സിവിൽ ഡിഫൻസ് നടത്തുന്ന മോക്ക് ഡ്രില്ലിനെ തുടർന്നാണ് ഈ താത്ക്കാലിക അടച്ചിടൽ.
ഒരു ദിവസം മുൻപേ തന്നെ മാളിൻ്റെ മെട്രോ പ്രവേശന കവാടത്തിന് പുറത്ത് അധികൃതർ നോട്ടീസ് പതിച്ചിട്ടുണ്ട്. ഫെബ്രുവരി 21 ബുധനാഴ്ച രാവിലെ 8.30 മുതലാണ് പ്രവേശനം നിഷേധിച്ചിരിക്കുന്നത്.
മാളിലേക്കുള്ള പ്രവേശനം മാത്രമേ അടയ്‌ക്കുകയുള്ളൂ. മറ്റ് പ്രവേശന കവാടങ്ങളിൽ നിന്ന് യാത്രക്കാർക്ക് ഇപ്പോഴും സ്റ്റേഷനിലേക്ക് പ്രവേശിക്കാനാകും. നടപ്പാതയുടെ പ്രവേശന കവാടവും അതിലേക്ക് നയിക്കുന്ന ലിഫ്റ്റും യാത്രക്കാർക്ക് ഉപയോഗിക്കും.
