യു.എ.ഇയുടെ സുൽത്താൻ അൽ നെയാദിയുടെ അന്താരാഷ്ട്ര ബഹിരാകാശ നിലയത്തിലെ ദൗത്യം പകുതി ദൂരം പിന്നിട്ടു. ആഗസ്റ്റ് അവസാനത്തോടെ നെയാദിയുടെ ബഹിരാകാശ ദൗത്യം പൂർത്തിയാകുമെന്നാണ് റിപ്പോർട്ട്.
ബഹിരാകാശ നിലയത്തിൽ മൂന്ന് മാസം പിന്നിട്ടിരിക്കുകയാണ് അൽ നെയാദി. നാസയുടെ മിഷൻ കമാൻഡർ സ്റ്റീഫൻ ബോവൻ, പൈലറ്റ് വാറൻ ഹോബർഗ്, റഷ്യൻ ബഹിരാകാശ യാത്രികൻ ആൻഡ്രേഫെഡ് യാവേവ് എന്നിവർക്കൊപ്പം സൽത്താൻ അൽ നിയാദി മാർച്ച് മൂന്നിനാണ് ബഹിരാകാശ നിലയത്തിൽ എത്തിയത്.
മനുഷ്യനെ വഹിച്ചുള്ള ചാന്ദ്ര യാത്രകൾക്കായി തയ്യാറെടുക്കാൻ സഹായിക്കുന്നതുൾപ്പെടെ 250 ഗവേഷണ പരീക്ഷണങ്ങൾ സംഘം പൂർത്തിയാക്കും. ഇവയിൽ 20പരീക്ഷണങ്ങൾ സുൽത്താൻ സ്വന്തം നിലക്കാണ് നിർവഹിക്കുക. ബഹിരാകാശ നടത്തം പൂർത്തിയാക്കാൻ സാധിച്ചതും നെയാദിക്ക് ചരിത്ര നേട്ടമായി
