അബുദാബി ഷെയ്ഖ് സായിദ് ഫെസ്റ്റിവൽ 1-ന് ആരംഭിക്കും. അബുദാബിയിലെ അൽ വത്ബയിൽ വെച്ചാണ് ഷെയ്ഖ് സായിദ് ഫെസ്റ്റിവൽ സംഘടിപ്പിക്കുന്നത്. 2024 നവംബർ 1ന് ആരംഭിക്കുന്ന ഫെസ്റ്റ് 2025 ഫെബ്രുവരി 28നാണ് സമാപിക്കുക.
നിരവധി വിനോദ – സാംസ്കാരിക പരിപാടികളിലൂടെ യുഎഇയുടെ പൈതൃകം ആഘോഷിക്കുന്ന മേളയാണ് ഷെയ്ഖ് സായിദ് ഫെസ്റ്റിവൽ. 6,000-ലധികം അന്താരാഷ്ട്ര സാംസ്കാരിക പരിപാടികൾ, 1000ലധികം ഷോകൾ, പ്രധാന പൊതു പരിപാടികൾ തുടങ്ങിയവ അരങ്ങേറും. 30,000-ലധികം പ്രദർശകരും പൈതൃകോത്സവത്തിൽ പങ്കെടുക്കും.
27-ലധികം രാജ്യങ്ങളാണ് മേളയിൽ പങ്കെടുക്കുന്നത്. നാടൻ കലാപരിപാടികൾ, പരേഡുകൾ, കരിമരുന്ന് പ്രയോഗങ്ങൾ, ഡ്രോൺ ഷോകൾ, ലേസർ ഡിസ്പ്ലേകൾ, സംഗീത കച്ചേരികൾ എന്നിവ ഉൾക്കൊള്ളുന്ന ഫെസ്റ്റിവൽ യുഎഇ ദേശീയ ദിനത്തെ അനുസ്മരിക്കുന്നതാണ്.
