2023-2024 അധ്യയന വർഷത്തിൽ ക്ലാസിൽ ഉന്നത വിജയം നേടിയ എമിറേറ്റ്‌സിലെ ഹൈസ്‌കൂൾ വിദ്യാർത്ഥികളെ യുഎഇ വൈസ് പ്രസിഡൻ്റും പ്രധാനമന്ത്രിയും ദുബായ് ഭരണാധികാരിയുമായ ഷെയ്ഖ് മുഹമ്മദ് ബിൻ റാഷിദ് അൽ മക്തൂം അഭിനന്ദിച്ചു. മികച്ച വിജയം നേടിയ എട്ട് വിദ്യാർത്ഥികൾക്കും അവരുടെ രക്ഷിതാക്കൾക്കും ഷെയ്ഖ് മുഹമ്മദ് എക്‌സ് പ്ലാറ്റ് ഫോമിലൂടെയാണ് അഭിനന്ദനം അറിയിച്ചത്.
സർക്കാർ- സ്വകാര്യ സ്കൂളുകിലെ വിദ്യാർത്തികൾക്ക് പുറമെ അപ്ലൈഡ് ടെക്‌നോളജി വിഭാഗത്തിൽ മികച്ചവിജയം നേടിയവരേയും അഭിനന്ദിച്ചു. അധ്യയന വർഷം വിജയകരമായി പൂർത്തിയാക്കിയ വിദ്യാഭ്യാസ ജീവനക്കാരെ അഭിനന്ദിക്കാനും ശൈഖ് മുഹമ്മദ് മറന്നില്ല. സ്കൂളുകളിലൂടെ പുതുതലമുറയേയും രാജ്യത്തിൻ്റെ ഭാവിയേയും കാണുന്നെന്ന് ഷെയ്ഖ് മുഹമ്മദ് വ്യക്തമാക്കി.
വിദ്യാഭ്യാസ മേഖല പുതിയ വികസനതങ്ങളിലേക്ക് കടക്കുകയാണെന്നും ഷെയ്ഖ് മുഹമ്മദ് കൂട്ടിച്ചേർത്തു. യുഎഇയിലെ വിദ്യാർത്ഥിക്ക് വേനൽ അവധി സന്തോഷ ദിവസങ്ങളാകട്ടെയെന്നും ഭരണാധികാരി ആശംസിച്ചു.
