ഷാർജയിൽ പുതിയ പെയ്ഡ് പാർക്കിങ് സോൺ പ്രഖ്യാപിച്ചു. ചില പ്രദേശങ്ങളിൽ പേ പാർക്കിങ് സമയം രാത്രി 12 വരെയാണ് നീട്ടിയതി. അവധി ദിനങ്ങളിൽ ഉൾപ്പെടെ ആഴ്‌ചയിൽ എല്ലാ ദിവസവും പാർക്കിങ് ഫീസ് ഈടാക്കുന്ന സോണുകളിലാണ് ഫീസ് നൽകേണ്ട സമയം അർധരാത്രി വരെ നീട്ടിയത്.
നവബംർ ഒന്ന് മുതലാണ് ഷാർജയിൽ പെയ്ഡ് പാർക്കിങിൻ്റെ പുതിയ സമയക്രമം നിലവിൽ വരിക. തിരക്കേറിയ മേഖലകളിൽ പാർക്കിങ് കൂടുതൽ സുഗമമാക്കുന്നതിന്റെ ഭാഗമായാണ് പുതിയ തീരുമാനമെന്ന് ഷാർജ സിറ്റി മുനിസിപ്പാലിറ്റി അധികൃതർ അറിയിച്ചു.
വാരാന്ത്യ അവധി ദിവസങ്ങളിലും പൊതു അവധി ദിവസങ്ങളിലും പാർക്കിങ് ഫീസ് ബാധകമായ മേഖലകളിലാണ് പെയ്ഡ് പാർക്കിങ് സമയം നീട്ടിയത്. നേരത്തേ രാവിലെ എട്ട് മുതൽ രാത്രി 10 വരെയായിരുന്നു ഈ മേഖലകളിൽ പാർക്കിങ് ഫീസ് ഈടാക്കിയിരുന്നത്.
