ഭക്ഷണവുമായി എല്ലാവരും ആരോഗ്യപരമായ ബന്ധം കാത്തുസൂക്ഷിക്കണമെന്നും ആരോഗ്യകരമായ ഭക്ഷണക്രമം മെഡിറ്ററേനിയൻ ഭക്ഷണമാണെന്നും ഷാർജ രാജ്യാന്തര പുസ്തകോത്സവത്തിൻ്റെ ഭാഗമായി നടത്തിയ പാനൽ ചർച്ച അഭിപ്രായപ്പെട്ടു.
ആഹാരത്തെ അറിയുന്നത്, അതിനെ വൈകാരികമായി കാണുന്നത് ഒഴിവാക്കാൻ സഹായിക്കും. ഒരു ബ്രൗണി കഴിച്ചതുകൊണ്ട് ദേഷ്യം ശമിക്കണമെന്നില്ല. പകരം കുറച്ചുദൂരം നടന്നാൽ അതു ശമിച്ചെന്ന് വരും. മനുഷ്യന്റെ സൗന്ദര്യം വർധിപ്പിക്കുമെന്ന് പറയുന്ന കീറ്റോ പോലുള്ള ഭക്ഷണശീലങ്ങളിൽ വിശ്വാസമില്ലെന്ന് മനഃശാസ്ത്രജ്‌ഞയും യോഗ അധ്യാപികയുമായ ലിൻ റോസി വ്യക്തമാക്കി.
ഭക്ഷണം കഴിക്കുന്നതിലൂടെ പിരിമുറുക്കം ഇല്ലാതാകുമെന്ന് പറയുന്നത് ശരിയല്ലെന്നും വീട്ടിലുണ്ടാക്കുന്ന ഭക്ഷണമാണ് നല്ലതെന്നും ഈജിപ്ഷ്യൻ ഫിസിഷ്യൻ നില്ലി ഷംസ് പറഞ്ഞു.
