വായനക്കാർക്കായി പുതിയ പുസ്തകങ്ങൾ പരിചയപ്പെടുത്തുകയാണ് ഷാർജ രാജ്യാന്തര പുസ്തക മേള. പുസ്തക മേള ആരംഭിച്ചതുമുതൽ നിരവധി പുസ്തകങ്ങളാണ് ദിനംപ്രതി പ്രകാശനം ചെയ്യപ്പെടുന്നത്. വേദിയിൽ വെച്ച് പ്രവാസി മലയാളികൾക്കുള്ള സ്നേഹോപഹാരമായി ഡോ. കെ.വി സുമിത്രയുടെ ആറാമത്തെ കവിതാപുസ്‌തകമായ ‘തീയൊരുവൾ’ പ്രകാശിപ്പിച്ചു.
മാധ്യമ പ്രവർത്തകനും എഴുത്തുകാരനുമായ ഷാബു കിളിത്തട്ടിൽ മാധ്യമപ്രവർത്തകൻ എം.എ ഷാനവാസിന് നൽകിയായിരുന്നു പുസ്തകം പ്രകാശിപ്പിച്ചത്. എം.എ ഷഹനാസ് പുസ്തക പരിചയം നിർവഹിച്ചു.
