ദിലീപ് ഹെയിൽബ്രോണിനെ അറിയുമോ? ഒരു പക്ഷേ പ്രവാസിമലയാളികൾക്ക് സുപരിചിതനാണ് അദ്ദേഹം. സോഷ്യൽ മീഡിയയിൽ നിരവധി ഫോളോവേഴ്‌സുള്ള മലയാളി വ്യവസായിയാണ് ദിലീപ് ഹെയിൽബ്രോൺ. ഇദ്ദേഹത്തിന് 300 k ഫോളേവേഴ്സുണ്ട് ഇൻസ്റ്റഗ്രാമിൽ. അദ്ദേഹം പങ്കുവയ്ക്കുന്ന ചിത്രങ്ങൾക്കും വീഡിയോകൾക്കും മികച്ച പ്രതികരണമാണ് ലഭിക്കുന്നത്.
പ്രോപ്പർട്ടി ഡെവലപ്പർ, കാർ കളക്ടർ, ഗോൾഫ് കളിക്കാരൻ, സഞ്ചാരി എന്നിങ്ങനെയാണ് ദിലീപ് ഇൻസ്റ്റാഗ്രാമിൽ സ്വയം പരിചയപ്പെടുത്തുന്നത്. ഇപ്പോഴിതാ അദ്ദേഹം ഇൻസ്റ്റഗ്രാമിൽ പങ്കുവെച്ച ഒരു വീഡിയോ ശ്രദ്ധേയമാകുകയാണ്. മലയാളികളെയാകെ കോരിത്തരിപ്പിക്കുന്ന ഒരു വീഡിയോ!
കേരളത്തില്‍ നിന്നൊരു ആഡംബര കാർ ദുബായിലെത്തിച്ചിരിക്കുകയാണ് ദിലീപ്. കേരളത്തില്‍ നിന്ന് സ്വന്തം റേഞ്ച് റോവർ ദുബായിലെത്തിച്ച്‌ അത് ലോകത്തിലെ ഏറ്റവും വലിയ കെട്ടിടമായ ബുർജ് ഖലീഫയുടെ മുന്നില്‍ പാർക്ക് ചെയ്താണ് ദിലീപ് ആരാധകരെ ഞെട്ടിച്ചത്.
ഏപ്രില്‍ 30ന് പങ്കുവച്ച വീഡിയോയ്ക്ക് ഇതുവരെ അ‌ഞ്ചുലക്ഷത്തിലധികം വ്യൂസും 25,000ല്‍ അധികം ലൈക്കുകളുമാണ് ലഭിച്ചത്. മലപ്പുറം എടപ്പാള്‍ സ്വദേശിയാണ് ദിലീപ് ഹെയില്‍ബ്രോണ്‍.
