മാ​താ​പി​താ​ക്ക​ൾ വേ​ർ​പി​രി​ഞ്ഞു, ഭിക്ഷാടനം നടത്തിയ 14 കാരന് രക്ഷകരായി ദുബായ് പോലീസ്

​മാ​താ​പി​താ​ക്ക​ൾ വേ​ർ​പി​രി​ഞ്ഞ​തോ​ടെ വീ​ടു​വി​ട്ടി​റ​ങ്ങി ഭി​ക്ഷാ​ട​നം ന​ട​ത്തി​യ 14കാ​ര​ന്​ ര​ക്ഷ​ക​രാ​യി ദുബായ് പൊ​ലീ​സ്. എ​മി​റേ​റ്റി​ലെ ഒ​രു പ​ള്ളി​ക്ക്​ സ​മീ​പമിരുന്നുകൊണ്ട് യാ​ച​ന ന​ട​ത്തു​ന്ന കു​ട്ടി​യെയാണ് പൊ​ലീ​സ്​ ക​ണ്ടെ​ത്തി​യ​ത്. ചോ​ദ്യം ​ചെ​യ്യ​ലി​ൽ മാ​താ​പി​താ​ക്ക​ൾ തമ്മിൽ വിവാഹബന്ധം വേർപ്പെടുത്തുകയും പി​താ​വ്​ പു​ന​ർ​വി​വാ​ഹി​ത​നാ​വു​ക​യും ചെ​യ്ത​തോ​ടെ വീ​ടു​വി​ട്ടി​റ​ങ്ങി​യ​താ​ണെ​ന്ന്​ വ്യക്തമായി. താ​മ​സ​ക്കാ​ർ ന​ൽ​കി​യ വി​വ​ര​മ​നു​സ​രി​ച്ചാ​ണ്​ പൊ​ലീ​സ്​ കു​ട്ടി യാ​ച​ന ന​ട​ത്തു​ന്ന​തായി ക​ണ്ടെ​ത്തി​യ​ത്. എന്നാൽ കു​ട്ടി ഏ​തു രാ​ജ്യ​ക്കാ​ര​നാ​ണെ​ന്നൊ മ​റ്റു വി​വ​ര​ങ്ങ​ളോ ഇതുവരെ പൊ​ലീ​സ്​ വെ​ളി​പ്പെ​ടു​ത്തി​യി​ട്ടി​ല്ല.

കുട്ടിയോട് വിവ​ര​ങ്ങ​ൾ ചോ​ദി​ച്ച​റി​ഞ്ഞതിന് ശേ​ഷം പൊ​ലീ​സ്​ കു​ടും​ബ​ത്തെ വി​വ​ര​മ​റി​യിച്ചു. തു​ട​ർ​ന്ന്​ കു​ട്ടി മാ​താ​വി​നൊ​പ്പം ക​ഴി​യു​ന്ന​തി​ന്​ ര​ക്ഷി​താ​ക്ക​ൾ ത​മ്മി​ൽ ധാ​ര​ണ​യി​ലെ​ത്തു​ക​യും ചെ​യ്തതായി പോലീസ് അറിയിച്ചു. 14കാ​ര​ന്‍റെ ജീ​വി​ത​ത്തി​ന്​ പു​തി​യ തു​ട​ക്കം സ​മ്മാ​നി​ക്കു​ന്ന​താ​യി​രു​ന്നു ഈ തീ​രു​മാ​ന​മെ​ന്ന്​ ക്രി​മി​ന​ൽ ഇ​ൻ​വെ​സ്റ്റി​ഗേ​ഷ​ൻ വി​ഭാ​ഗം ഡ​യ​റ​ക്ട​ർ ബ്രി. ​അ​ലി സാ​ലിം അ​ൽ ശം​സി പ​റ​ഞ്ഞു. ര​ക്ഷി​താ​ക്ക​ൾ മ​ക്ക​ളു​ടെ ക്ഷേ​മം ഉ​റ​പ്പു​വ​രു​ത്താ​ൻ എപ്പോഴും ശ്ര​ദ്ധി​ക്ക​ണം. കു​ടും​ബ​ക​ല​ഹ​ങ്ങ​ൾ അ​വ​രു​ടെ സാ​ന്നി​ധ്യ​ത്തി​ല​ല്ലാ​തെ പ​രി​ഹ​രി​ക്ക​ണ​മെ​ന്നും അ​ദ്ദേ​ഹം നി​ർ​ദേ​ശി​ച്ചു. അ​തോ​ടൊ​പ്പം യാ​ച​ക​രോ​ട്​ അ​നു​ക​മ്പ കാ​ണി​ക്ക​രു​തെ​ന്നും പ​ണം ന​ൽ​ക​രു​തെ​ന്നും അ​ദ്ദേ​ഹം പൊതുജനങ്ങളോട് നിർദേശിച്ചു.