റാസൽഖൈമയിലെ പൊതു, സ്വകാര്യ സ്കൂൾ അധ്യാപകർക്കായി ഒരു പുതിയ ഗോൾഡൻ വിസ പ്രോഗ്രാം പ്രഖ്യാപിച്ചു. റാസൽഖൈമ നോളജ് ഡിപ്പാർട്ട്‌മെൻ്റ് റിപ്പോർട്ട് അനുസരിച്ച് നിശ്ചിത മാനദണ്ഡം പാലിക്കുന്ന പ്രൊഫഷണലുകൾക്ക് ദീർഘകാല റെസിഡൻസി വിസ പദ്ധതിയാണ് അനുവദിച്ചത്.
• പ്രിൻസിപ്പൽമാർ, വൈസ് പ്രിൻസിപ്പൽമാർ, സ്കൂൾ ഡയറക്ടർമാർ
• നിലവിൽ റാസൽഖൈമയിലെ പൊതു, സ്വകാര്യ സ്‌കൂളുകളിൽ ജോലി ചെയ്യുന്ന എല്ലാ യോഗ്യതയുള്ള അധ്യാപകർ എന്നിങ്ങനെ രണ്ട് പ്രധാന വിഭാഗം അധ്യാപകർക്കാണ് ഈ പദ്ധതിയിലൂടെ വിസ ലഭിക്കുക.
യോഗ്യരായ അധ്യാപകർ ഒരു ഔദ്യോഗിക അപ്പോയിൻ്റ്മെൻ്റ് ലെറ്റർ, വിദ്യാഭ്യാസ യോഗ്യതകളുടെ തെളിവ്, റെസിഡൻസിയുടെയും ജോലിയുടെയും ഡോക്യുമെൻ്റേഷൻ, സ്കൂൾ പ്രകടനം മെച്ചപ്പെടുത്തുന്നതിന് അവർ നൽകിയ സംഭാവനകളുടെ തെളിവുകൾ എന്നിവ ഉൾപ്പെടെയാണ് അപേക്ഷ സമർപ്പിക്കേണ്ടത്.
ആവശ്യമായ എല്ലാ രേഖകളും സമർപ്പിച്ചു കഴിഞ്ഞാൽ റാസൽഖൈമ നോളജ് ഡിപ്പാർട്ട്‌മെൻ്റ് അത് അവലോകനം ചെയ്യുകയും ഗോൾഡൻ വിസ പ്രോസസ്സിംഗിനായി ഫെഡറൽ അതോറിറ്റി ഫോർ ഐഡൻ്റിറ്റി, സിറ്റിസൺഷിപ്പ്, കസ്റ്റംസ്, പോർട്ട് സെക്യൂരിറ്റി (ഐസിപി) സന്ദർശിക്കുന്നതിനുള്ള യോഗ്യതയുടെ സ്ഥിരീകരണം അധ്യാപകന് അയയ്ക്കുകയും ചെയ്യും.
