അബുദാബിയില്‍ നിന്ന് കൊച്ചിയിലേക്ക് ഗോ എയര്‍ ( ഫസ്റ്റ് ) സര്‍വ്വീസുകൾ ആരംഭിക്കുന്നു. ചൊവ്വ, വെളളി, ഞായര്‍ ദിവസങ്ങ‍ളിലായി ആ‍ഴ്ചയില്‍ മൂന്ന് ദിവസത്തെ സര്‍വ്വീസാണ് നടത്തുക. ഈ മാസം 28നാണ് ആദ്യ സര്‍വ്വീസെന്നും ഗോ എയര്‍ അധികൃതര്‍ അറിയിച്ചു.
ഉദ്ഘാടനത്തോട് അനുബന്ധിച്ച ടിക്കറ്റ് നിരക്കില്‍ ഇളവുക‍ളും പ്രഖ്യാപിച്ചിട്ടുണ്ട്. ആദ്യം ടിക്കറ്റ് ബുക്ക് ചെയ്യുന്ന 10 ശതമാനം ആളുകൾക്ക് നാട്ടിലേക്ക് 577 ദിര്‍ഹത്തിന് ടിക്കറ്റ് ലഭ്യമാകും മടക്കയാത്രയ്ക്ക് 1250 ദിര്‍ഹം നല്‍കിയാല്‍ മതിയാകും.
തിരക്കേറുന്നതോടെ പ്രതിവാര സര്‍വ്വീസുകൾ അഞ്ചാക്കി ഉയര്‍ത്തുമെന്നും ഗോ എയര്‍ പ്രതിനിധികൾ അറിയിച്ചു. നിലവില്‍ അബുദാബിയില്‍ നിന്നും ദുബായില്‍ നിന്നും കണ്ണൂരിലേക്ക് ഗോ എയര്‍ ഫസ്റ്റിന് പ്രതിദിന സര്‍വ്വീസുകൾ നിലവിലുണ്ട്.
