യു.എ.ഇയിലെ പ്രവസി മലയാളികളുടെ കൂട്ടായ്മയായ മാസ് സംഘടിപ്പിക്കുന്ന ഈ വർഷത്തെ മെഗാ ഇവൻ്റ് “മാസ് വൈബ്സ് 2024 ” നവംമ്പർ 23ന്. ശനിയാഴ്ച വൈകീട്ട് 7 മണിക്ക് ഷാർജ എക്സ്പോ സെൻ്ററിലാണ് പരിപാടി. കേരള ആരോഗ്യ വകുപ്പ് മന്ത്രി ശ്രീമതി വീണ ജോർജ് പരിപാടിയിൽ മുഖ്യാതിഥിയായി പങ്കെടുക്കും.
പ്രശസ്ത തെന്നിന്ത്യൻ ഗായിക ഗൗരി ലക്ഷ്മിയുടെ ജി എൽ ബാൻഡ് ഒരുക്കുന്ന മ്യുസിക് ഫ്യുഷൻ ആണ് മാസ് വൈബ്സ് 2024ൻ്റെ പ്രധാന ആകർഷണം. അന്താരാഷ്ട്ര നർത്തകിമാർ ഉൾപ്പെടെ വൻതാരനിര ഇവൻ്റിൽ അണിനിരക്കും.
1983 ഇൽ രൂപീകൃതമായ മാസ് കഴിഞ്ഞ 41 വർഷമായി പ്രവാസലോകത്തെ സജീവ സാനിധ്യമാണ്. ഷാർജ, അജ്‌മാൻ, ഉം അൽ ക്വയ്‌വാൻ പ്രദേശങ്ങളിൽ ജീവിക്കുന്ന പ്രവാസി മലയാളികളാണ് കൂട്ടായ്മയുടെ ശക്തി.
