ബന്ധുവിൻ്റെ കുത്തേറ്റ് പ്രവാസി മലയാളി കൊല്ലപ്പെട്ടു. അബൂദബി മുസഫയിലാണ് സംഭവം. മലപ്പുറം ചങ്ങരംകുളം നന്നംമുക്ക് സ്വദേശി കുമ്പില വളപ്പിൽ യാസിർ അറഫാത്ത് (38) ആണ് കൊല്ലപ്പെട്ടത്.വെള്ളിയാഴ്ച രാത്രിയാണ് സംഭവം.
മുസഫ ഗ്രാഫിക്ക് ഡിസൈനിങ് സ്ഥാപനം നടത്തി വരികയായിരുന്നു യാസിർ.
ബിസിനസ് സംബന്ധിച്ച ചർച്ചക്കിടെ പ്രകോപിതനായി ബന്ധു അക്രമിക്കുകയായിരുന്നു. യാസർ നടത്തുന്ന കളർ വേൾഡ് ഗ്രാഫിക്സ് ഡിസൈനിങ്ങിലേക്ക് രണ്ടു മാസം മുമ്പാണ് ബന്ധുവിനെ കൊണ്ടുവന്നത്.
സാമ്പത്തിക കാര്യങ്ങളിൽ ഉണ്ടായ തർക്കവും പ്രകോപനത്തിന് കാരണമായെന്നാണ് സൂചനകൾ. അബ്ദുൽ ഖാദറിന്റെയും ഖദീജകുട്ടിയുടെയും മകനാണ് മരിച്ച യാസിർ. ഭാര്യ റംല. രണ്ട് മക്കളുണ്ട്.
