നവംബർ 23ന് ഷാർജ എക്സ്പോ സെൻ്ററിൽ അരങ്ങേറുന്ന “മാസ് വൈബ്സ് 2024” പരിപാടിയുടെ ബ്രോഷർ പ്രകാശനം ചെയ്തു. ഷാർജ ഇന്ത്യൻ അസോസിയേഷൻ പ്രസിഡൻ്റ് നിസ്സാർ തളങ്കര പ്രശസ്ത ചലച്ചിത്ര പിന്നണി ഗായകൻ അതുൽ നറുകരക്ക് നൽകിയാണ് പ്രകാശനം നിർവഹിച്ചത്. ഇന്ത്യൻ അസോസിയേഷൻ കോൺഫറൻസ് ഹാളിൽ നടന്ന പരിപാടിയിൽ മാസ് പ്രസിഡൻ്റ് അജിത രാജേന്ദ്രൻ അധ്യക്ഷത വഹിച്ചു.
പ്രശസ്ത ഗായിക ഗൗരി ലക്ഷ്മി നേതൃത്വം നൽകുന്ന അന്താരാഷ്ട്ര ഡാൻസേർസ് ഉൾപ്പെടുന്ന ജിഎൽ ബാൻഡ് ആണ് “മാസ് വൈബ്സ് 2024” എന്ന മ്യുസിക്കൽ ഫ്യുഷൻ ഷാർജയിൽ അവതരിപ്പിക്കുന്നത് . പ്രകാശന ചടങ്ങിൽ ജനറൽ സെക്രട്ടറി ബിനു കോറോം സ്വാഗതവും വൈസ് പ്രസിഡന്റ് റെജി ചാക്കോ നന്ദിയും പറഞ്ഞു.
മാസ് സ്ഥാപക പ്രസിഡന്റ് ടികെ അബ്ദുൽ ഹമീദ്, ഇന്ത്യൻ അസ്സോസിയേഷൻ ഷാർജ ജനറൽ സെക്രട്ടറി ശ്രീപ്രകാശ്, മാസ് കലാവിഭാഗം സെൻട്രൽ കോഓർഡിനേറ്റർ പ്രമോദ് , “മാസ് വൈബ്സ് 2024” ഇന്റെ ഫിനാൻസ് കമ്മിറ്റി ചെയർമാൻ ഇബ്രാഹിം അംബിക്കാന , ജനറൽ കൺവീനർ സുരേഷ് നമ്പലാട്ട് എന്നിവരും സന്നിഹിതരായിരുന്നു.
യുഎഇയിലെ വാർത്തകളും തൊഴിൽ അവസരങ്ങളും അതിവേഗം അറിയാൻ വാട്സ്ആപ്പ് ഗ്രൂപ്പിൽ അംഗമാകൂ
https://chat.whatsapp.com/FJzrLdTF2LE4278EB7m9Lc
