ഫുജൈറയിൽ രണ്ട് കുട്ടികൾ മരിച്ചു

യുഎഇയിൽ ഫുജൈറയിൽ ഇന്ന് രാവിലെ സ്കൂളിലേക്ക് പോയ രണ്ട് കുട്ടികൾ വാഹനാപകടത്തിൽ മരിച്ചു.
രണ്ട് പേരും എമിറാത്തികളാണ്. ഇവർ യാത്ര ചെയ്ത കാർ സ്കൂൾ ബസുമായി നേർക്കുനേർ കൂട്ടിയിടിക്കുകയായിരുന്നു. കാറിൽ ഏഴുപേർ ഉണ്ടായിരുന്നതിൽ ഡ്രൈവറും അഞ്ചിനും പതിനൊന്നിനും ഇടയിൽ പ്രായമുള്ള അഞ്ച് കുട്ടികളും ആയയുമാണ് ഉണ്ടായിരുന്നത്. പരിക്കേറ്റവരെ അൽ ദൈദ് ആശുപത്രിയിൽ ചികിത്സയിലാണ്. അഞ്ചും ഏഴും വയസ്സുള്ള കുട്ടികളെ ആശുപത്രിയിലെത്തിക്കുമ്പോഴേക്കും മരിച്ചിരുന്നു.

അൽ സെയ്ജി മേഖലയിൽ രാവിലെ 6.30നാണ് അപകടം നടന്നത്. സംഭവത്തിൽ ഫുജൈറ പോലീസ് അന്വേഷണം ആരംഭിച്ചു.