യുഎഇയിലെ ബാങ്കുകളിൽ ഇനി ജയ്‌വാൻ ഡെബിറ്റ് കാർഡുകൾ. പുത്തൻ മാറ്റങ്ങളുമായി യുഎഇയിലെ ബാങ്കുകൾ പുതിയ ഇടപാടുകളിലേക്ക്. പുതിയ ഡെബിറ്റ് കാർഡുകൾ പുറത്തിറക്കാൻ തുടങ്ങിയതായി യുഎഇ ബാങ്ക്സ് ഫെഡറേഷൻ ചെയർമാൻ അബ്ദുൽ അസീസ് അൽ-ഗുറൈർ അറിയിച്ചു. വിപണിയിലുള്ള പത്ത് ദശലക്ഷത്തിലധികം വരുന്ന ഡെബിറ്റ് കാർഡുകൾ അടുത്ത രണ്ടര വർഷത്തിനുള്ളിൽ ക്രമേണ മാറ്റിസ്ഥാപിക്കും.
രണ്ടര വർഷം വരെ ബാങ്കുകൾക്ക് മറ്റ് ബ്രാൻഡഡ് കാർഡുകൾ നൽകുന്നത് നിർത്തും. ശേഷം, ജയ്‌വാൻ കാർഡുകൾ പ്രാദേശികമായി നൽകുന്നതിന് ഞങ്ങൾ സമ്മതിച്ചിട്ടുണ്ടെന്നും അബ്ദുൽ അസീസ് അൽ-ഗുറൈർ പറഞ്ഞു. ഫെബ്രുവരി 13നായിരുന്നു പ്രധാനമന്ത്രി നരേന്ദ്ര മോദിയുടെ യുഎഇ സന്ദർശന വേളയിൽ മിഡിൽ ഈസ്റ്റേൺ രാജ്യത്തുടനീളം റുപേയുടെ സാർവത്രിക സ്വീകാര്യത വർദ്ധിപ്പിക്കുന്നതിനായി കരാറിലേർപ്പെട്ടത്.
ആഭ്യന്തര ഡെബിറ്റ്/ ക്രെഡിറ്റ് കാർഡുകൾ – ഇന്ത്യയിൽ നിന്നുള്ള റുപേയും യുഎഇയിൽ നിന്നുള്ള ജയ്‌വാനും തമ്മിൽ ബന്ധിപ്പിക്കുന്നതിനുള്ള കരാറിൽ ഇരു രാജ്യങ്ങളും ഒപ്പുവച്ചുകൊണ്ട് ചരിത്രം സൃഷ്ടിച്ചു. ഡിജിറ്റൽ റുപേ ക്രെഡിറ്റ്, ഡെബിറ്റ് കാർഡ് സ്റ്റാക്ക് ഉപയോഗിച്ചാണ് ജയ്‌വാൻ നിർമ്മിച്ചിരിക്കുന്നത്.
