യുഎഇയിൽ പലയിടങ്ങളിലും മഴ തുടരുകയാണ്. രാജ്യത്തിന്റെ പല ഭാഗങ്ങളിലും മഴ കനത്തതോടെ യുഎഇയിൽ താരതമ്യേന തണുത്ത കാലാവസ്ഥായാണ് അനുഭവപ്പെട്ടത്. അബുദാബിയിൽ ഇടിയോടും മിന്നലോടുംകൂടിയ ശക്തമായ മഴയാണ് ലഭിച്ചതെന്ന് യുഎഇ ദേശീയ കാലാവസ്ഥാ കേന്ദ്രം അറിയിച്ചു.
അബുദാബി ഇന്റർനാഷണൽ എയർപോർട്ടിലും മറ്റ് പ്രദേശങ്ങളിലും ഇന്ന് രാവിലെയോടെ കനത്ത മഴയാണ് പെയ്തത്. കാലാവസ്ഥ പ്രതികൂലമായതിനാൽ വിമാനം സർവ്വീസ് താറുമാറായതായി റിപ്പോർട്ടുകളുണ്ട്. അൽ ബാഹിയയിലും നേരിയ തോതിൽ ശരാശരി മഴ ലഭിച്ചു.
ദുബായുടെ ചില ഭാഗങ്ങളിൽ നേരിയ ചാറ്റൽ മഴ ലഭ്യമായിരുന്നു. ദുബായിലെ മിന ജബൽ അലി മേഖലയിൽ ചെറിയ തോതിൽ മഴ പെയ്തു.
