രണ്ട് ന്യൂനമർദ്ദപാത്തികൾ ഒരുമിച്ച് യുഎഇയിലേക്ക് വരുന്നതിന്റെ ഭാഗമായി രാജ്യത്ത് മഴ തുടങ്ങി കഴിഞ്ഞു. ദുബായ്, അബുദാബി, ഷാർജ എന്നിവിടങ്ങളിൽ അടുത്ത 48 മണിക്കൂറിനുള്ളിൽ കനത്ത മഴ പ്രതീക്ഷിക്കുന്നുണ്ട്. മഴ മുന്നറിയിപ്പിന്റെ ഭാഗമായി ജനങ്ങൾക്ക് ജാഗ്രതാ നിർദ്ദേശവും നൽകി.
കനത്ത മഴയ്ക്ക് മാത്രമല്ല ദുബായ്, അബുദാബി, ഷാർജ, മറ്റ് എമിറേറ്റുകൾ തുടങ്ങിയ സ്ഥലങ്ങളിൽ ആലിപ്പഴ വർഷത്തിനും സാധ്യതയുണ്ട്. യുഎഇയുടെ ചില പ്രദേശങ്ങളിൽ, പ്രത്യേകിച്ച് തീരപ്രദേശങ്ങളിൽ മഴ തുടങ്ങിക്കഴിഞ്ഞു. ഇന്ന് വൈകുന്നേരത്തോടെ രാജ്യത്ത് പല സ്ഥലങ്ങളിലും മഴ ശക്തമാകും.
അബുദാബിയിൽ ഇതിനകം ശക്തമായ കാറ്റ് വീശുന്നുണ്ട്. കഴിഞ്ഞ കുറച്ച് ദിവസങ്ങളായി ഒമാനിലെ കാലാവസ്ഥ അസ്ഥിരമായതിനാൽ അധികൃതർ താമസക്കാർക്ക് കാലാവസ്ഥാ മുന്നറിയിപ്പ് നൽകിയിരുന്നു.
