യുഎഇയിൽ കനത്ത മൂടൽമഞ്ഞിനെ തുടർന്ന് അബുദാബിയിൽ ഉൾപ്പെടെ റെഡ്, യെല്ലോ അലേർട്ടുകൾ പ്രഖ്യാപിച്ചു. മൂടൽമഞ്ഞിനെത്തുടർന്ന് ദൃശ്യപരിധി കുറയുന്നതിനാൽ വാഹനമോടിക്കുന്നവർ ജാഗ്രത പാലിക്കണമെന്ന് പൊലീസ് അറിയിച്ചു.
സുരക്ഷാ നടപടിയെന്ന നിലയിൽ, ഷെയ്ഖ് മുഹമ്മദ് ബിൻ റാഷിദ് റോഡിൽ വേഗപരിധി മണിക്കൂറിൽ 80 കിലോമീറ്ററായി കുറച്ചിട്ടുണ്ട്. ഇതിന്റെ ഭാഗമായി പൊലീസ് ഇലക്‌ട്രോണിക് ഇൻഫർമേഷൻ ബോർഡുകളിൽ സ്പീഡ് ലിമിറ്റ് മാറ്റുകയും പുതിയ സ്പീഡ് ലിമിറ്റ് പ്രദർശിപ്പിക്കുകയും ഡ്രൈവർമാർക്ക് മുന്നറിയിപ്പ് നൽകുകയും ചെയ്തു. രാജ്യത്ത് അപകടകരമായ കാലാവസ്ഥയായതിനാൽ ജനങ്ങൾ ജാഗ്രത പാലിക്കണമെന്നും അധികൃതർ അറിയിച്ചു.
ഇന്ന് അബുദാബിയിൽ താപനില 43 ഡിഗ്രി സെൽഷ്യസായും ദുബായിൽ 42 ഡിഗ്രി സെൽഷ്യസായും ഉയരുമെന്നും എൻസിഎം അറിയിച്ചു.
