ദുബായ് ഇന്റനാഷണൽ എയർപോർട്ടിൽ (ഡിഎക്സ്ബി) എത്തിച്ചേരേണ്ടതും പുറപ്പെടേണ്ടതുമായ 20 ഓളം വിമാനങ്ങളുടെ യാത്ര പ്രതികൂല കാലാവസ്ഥയെത്തുടർന്ന് വെള്ളിയാഴ്ച തടസ്സപ്പെട്ടു.
പ്രതികൂല കാലാവസ്ഥ വിമാനത്താവളത്തിന്റെ പ്രവർത്തനത്തെ ബാധിച്ചതായി ദുബായ് എയർപോർട്ട് സ്ഥിരീകരിച്ചു. യുഎഇ സമയം രാവിലെ 10 മണി വരെ, 13 ഇൻബൗണ്ട് വിമാനങ്ങൾ വഴിതിരിച്ചുവിട്ടു, ആറ് ഔട്ട്ബൗണ്ട് വിമാനങ്ങൾ റദ്ദാക്കിയെന്നും, ”ഡിഎക്സ്ബി വക്താവ് പറഞ്ഞു.
DXB-യിലേക്ക് എത്തേണ്ട യാത്രക്കാർ, മഴമൂലം റോഡുകളിലുണ്ടാകുന്ന ഗതാഗത തടസ്സം ഒഴിവാക്കാൻ, ദുബായ് മെട്രോ സ്വീകരിക്കാനും അധികൃതർ നിർദ്ദേശിച്ചു. യാത്രക്കാര്‍ www.dubaiairports.ae എന്ന വെബ്‍സൈറ്റിലോ അല്ലെങ്കില്‍ അതത് വിമാനക്കമ്പനികളുടെ വെബ്‍സൈറ്റുകളിലോ വിമാനങ്ങളുടെ തല്‍സ്ഥിതി പരിശോധിക്കണം.
