മസ്കറ്റിലെ മബേലയിൽ റസ്റ്ററന്റിലെ പാചകവാതക സിലിണ്ടർ പൊട്ടിത്തെറിച്ചുണ്ടായ അപകടത്തിൽ 18 പേർക്ക് പരിക്ക്. അപകടത്തിൽ നാല് കെട്ടിടങ്ങൾക്കും നിരവധി വാഹനങ്ങൾക്കും കേടുപാടുകൾ സംഭവിക്കുകയും ചെയ്തു.
പരുക്കേറ്റവരെ ആശുപത്രിയിൽ എത്തിച്ചു ചികിൽസ നൽകി വരുകയാണ്. ഇവരിൽ ചിലരുടെ നില ഗുരുതരമാണ്. സിവിൽ ഡിഫൻസ് ആൻഡ് ആംബുലൻസ് വിഭാഗം ഇപ്പോഴും രക്ഷാപ്രവർത്തനം തുടരുകയാണ്. എന്നാൽ പരുക്കേറ്റവരെ കുറിച്ചുള്ള കൂടുതൽ വിവരങ്ങൾ ഇതുവരെ വെളിപ്പെടുത്തിയിട്ടില്ല.
