ബിസിനസ്സുകൾക്കായുള്ള ലൈസൻസ് പുതുക്കുന്നതിന് നൽകുന്ന പിഴകളിൽ 50 ശതമാനം ഇളവ് ഷാർജ എമിറേറ്റ് എക്സിക്യൂട്ടീവ് കൗൺസിൽ പ്രഖ്യാപിച്ചു. 2023 ജൂലൈ 10 മുതൽ നാല് മാസത്തിനുള്ളിൽ ലൈസൻസ് പുതുക്കുന്ന ബിസിനസ്സ് ഉടമകൾക്കാണ് ഈ ഇളവ് ലഭിക്കുക.
ഷാർജ ഡെപ്യൂട്ടി ഭരണാധികാരിയും എക്സിക്യൂട്ടീവ് കൗൺസിൽ ഡെപ്യൂട്ടി ചെയർമാനുമായ ശൈഖ് അബ്ദുള്ള ബിൻ സലേം ബിൻ സുൽത്താൻ അൽ ഖാസിമിയുടെ അധ്യക്ഷതയിൽ ചേർന്ന യോഗത്തിലാണ് തീരുമാനം ഉണ്ടായത്. കൂടാതെ ഒപ്റ്റിമൽ സാമ്പത്തിക പ്രോത്സാഹനങ്ങൾ വാഗ്ദാനം ചെയ്യുന്നതിനും പ്രാദേശിക വിപണിയിലും വളർച്ച ശക്തിപ്പെടുത്തുന്നതിനുള്ള ഷാർജയുടെ പ്രതിബദ്ധതയുടെയും ഭാഗമായാണ് നീക്കമെന്നും അദ്ദേഹം കൂട്ടിച്ചേർത്തു.
