കൈകൊണ്ട് കൊത്തിയെടുത്ത പരമ്പരാഗത ശിലാക്ഷേത്രമാണ് അബുദാബിയിലെ ബാപ്സ് ഹിന്ദു മന്ദിർ. മുൻകൂട്ടി രജിസ്റ്റർ ചെയ്ത സന്ദർശകരുടെ, പ്രത്യേകിച്ച് വിദേശത്ത് നിന്നുള്ള ഭക്തരുടെ ഒഴുക്കാണ് ഇവിടേക്ക്. അബുദാബിയിലെ ക്ഷേത്രം സന്ദർശിക്കുന്നവർ അറിയേണ്ട കൂടുതൽ വിവരങ്ങൾ ഇതൊക്കെയാണ്.
അബുദാബിയിൽ എത്ര ക്ഷേത്രങ്ങളുണ്ട്?
അബുദാബിയിലെ ഏക ഹിന്ദു ക്ഷേത്രമാണ് ബാപ്സ് മന്ദിർ. മിഡിൽ ഈസ്റ്റിലെ ആദ്യത്തെ പരമ്പരാഗത ഹിന്ദു ശിലാക്ഷേത്രം കൂടിയാണിത്.
ക്ഷേത്രത്തിൻ്റെ പ്രത്യേകതകൾ
ആയിരക്കണക്കിന് പിങ്ക് മണൽക്കല്ലുകളിലും വെള്ള മാർബിളിലും കൈകൊണ്ട് കൊത്തിയെടുത്ത ക്ഷേത്രമാണിത്. പുരാതന ഹിന്ദു ‘ശിൽപ ശാസ്ത്രങ്ങൾ’ – വാസ്തുവിദ്യയുടെയും ശില്പകലയുടെയും സംസ്കൃത ഗ്രന്ഥങ്ങൾ അനുസരിച്ചാണ് ക്ഷേത്രം നിർമ്മിച്ചിരിക്കുന്നത്. അതിമനോഹരമായ കൊത്തുപണികൾ വ്യത്യസ്ത നാഗരികതകളുടെ സമ്പന്നമായ ചരിത്രവും സംസ്കാരവും പ്രദർശിപ്പിക്കുന്നതാണ്.
യുഎഇ നിവാസികൾക്കായി ക്ഷേത്രം എപ്പോഴാണ് തുറക്കുക?
മുൻകൂട്ടി രജിസ്റ്റർ ചെയ്ത ആയിരക്കണക്കിന് വിദേശ സന്ദർശകർ അടുത്ത രണ്ടാഴ്ചയ്ക്കുള്ളിൽ ക്ഷേത്രത്തിലെത്തും. ആയതിനാൽ മാർച്ച് 1 മുതൽ യുഎഇ നിവാസികൾക്ക് ക്ഷേത്രം സന്ദർശിക്കാൻ കഴിയും.
അഹിന്ദുക്കൾക്ക് ക്ഷേത്രം സന്ദർശിക്കാൻ കഴിയുമോ?
എല്ലാ മതങ്ങളിലും മതവിശ്വാസങ്ങളിലും ഉള്ള ആളുകൾക്ക് ക്ഷേത്രത്തിൽ പ്രവേശിക്കാനാകും.
ക്ഷേത്രം സന്ദർശിക്കാൻ പ്രവേശന ഫീസ് ഉണ്ടോ?
ബാപ്സ് ഹിന്ദു മന്ദിർ സന്ദർശിക്കാൻ പ്രവേശന ഫീസ് ഇല്ല. എന്നാൽ ക്ഷേത്രം സന്ദർശിക്കാൻ സന്ദർശകർ ഔദ്യോഗിക വെബ്സൈറ്റിലോ ഫെസ്റ്റിവൽ ഓഫ് ഹാർമണി ആപ്പ് വഴിയോ രജിസ്റ്റർ ചെയ്യേണ്ടത് നിർബന്ധമാണ്.
ക്ഷേത്രത്തിൽ എത്ര പേർക്ക് താമസിക്കാൻ കഴിയും?
ഏകദേശം 10,000 പേർക്ക് താമസിക്കാനുള്ള ശേഷി ക്ഷേത്രത്തിനുണ്ട്.
ബാപ്സ് ഹിന്ദു മന്ദിർ എവിടെയാണ് സ്ഥിതി ചെയ്യുന്നത്?
അബുദാബി-ദുബായ് ഹൈവേയിൽ നിന്ന് അബു മുറൈഖയുടെ അൽ താഫ് റോഡിലാണ് (E16) ക്ഷേത്രം സ്ഥിതി ചെയ്യുന്നത്. ഗൂഗിൾ മാപ്പിൽ ‘BAPS Hindu Mandir, Abu Dhabi’ എന്ന് സെർച്ച് ചെയ്‌താൽ സൈറ്റ് കണ്ടെത്താൻ സാധിക്കും.
സന്ദർശന സമയം എത്രയാണ്?
രാവിലെ 9 മണി മുതൽ രാത്രി 8 മണി വരെ ക്ഷേത്രം സന്ദർശകർക്കായി തുറന്നിരിക്കും.
ഏതെങ്കിലും എമിറേറ്റിൽ നിന്ന് പൊതു ബസ് ഉണ്ടോ?
നിലവിൽ ക്ഷേത്രവുമായി ബന്ധിപ്പിക്കുന്ന പൊതു ബസ് സർവീസുകളൊന്നുമില്ല. പൊതു ടാക്സികൾ, വാടക വാനുകൾ, സ്വകാര്യ ബസുകൾ അല്ലെങ്കിൽ കാർപൂളിംഗ് എന്നിവയാണ് ഏറ്റവും അനുയോജ്യമായ ഗതാഗത മാർഗ്ഗങ്ങൾ.
