അൽഐൻ മൃഗശാലയിലെ അഞ്ചാമത് പ്രകൃതി സംരക്ഷണ ഫെസ്റ്റിവൽ ആരംഭിച്ചു. വന്യജീവി സംരക്ഷണത്തിലും പ്രകൃതി സമ്പത്തും വിഭവങ്ങളും സംരക്ഷിക്കുന്നതിലും മൃഗശാലയുടെ പങ്ക് പ്രോത്സാഹിപ്പിക്കുന്നതിന് ലക്ഷ്യമിട്ടുള്ള വിവിധ പ്രവർത്തനങ്ങളും ഇവന്റുകളും ഉപയോഗിച്ച് “പ്രകൃതിയുടെ സുസ്ഥിരത” എന്ന പ്രമേയത്തിന് കീഴിലാണ് ഫെസ്റ്റിവൽ.
വിദ്യാർത്ഥികൾക്ക് പ്രവേശനം സൗജന്യമാണ്. വിവിധ പ്രദർശനങ്ങൾ, തിയേറ്ററുകൾ, ഷെയ്ഖ് സായിദ് ഡെസേർട്ട് ലേണിംഗ് സെന്റർ, കൂടാതെ പ്രശസ്തമായ റെസ്റ്റോറന്റുകൾ എന്നിവയുൾപ്പെടെയുള്ള ഫെസ്റ്റിവൽ നവംബർ 12 വരെ നടക്കും. “യുഎഇ ആതിഥേയത്വം വഹിക്കുന്ന COP28 എന്ന ആഗോള ഇവന്റിനോട് അനുബന്ധിച്ചാണ് ഈ വർഷത്തെ കൺസർവേഷൻ ഫെസ്റ്റിവൽ വരുന്നതെന്ന്” അൽ ഐനിലെ സൂ അക്വേറിയം പബ്ലിക് ഇൻസ്റ്റിറ്റ്യൂഷൻ ഡയറക്ടർ ജനറൽ ഗാനിം മുബാറക് അൽ ഹജേരി പറഞ്ഞു,
അഞ്ചാമത് കൺസർവേഷൻ ഫെസ്റ്റിവലിന് ഇന്റർനാഷണൽ ഫണ്ട് ഫോർ ഹൂബാറ കൺസർവേഷൻ, അബുദാബി ഡിപ്പാർട്ട്‌മെന്റ് ഓഫ് കൾച്ചർ ആൻഡ് ടൂറിസത്തിന്റെ ഖത്തറ മാർക്കറ്റ്, അബുദാബി വേസ്റ്റ് മാനേജ്‌മെന്റ് കമ്പനി (തദ്‌വീർ), അൽ ഐൻ ഡിസ്ട്രിബ്യൂഷൻ കമ്പനി, അബുദാബി അഗ്രികൾച്ചർ ആൻഡ് ഫുഡ് സേഫ്റ്റി തുടങ്ങിയ നിരവധി പ്രധാന പങ്കാളികൾ പിന്തുണ നൽകുന്നു.
