കേരള സർക്കാർ സ്ഥാപനമായ ഒഡെപെക് വഴി യുഎഇയിലെ പ്രമുഖ കമ്പനിയിലെ എച്ച്.വി.എ.സി ടെക്‌നീഷ്യൻ, ഇലക്ട്രിക്കൽ ടെക്‌നീഷ്യൻ, ഇലക്ട്രിക്കൽ കൺട്രോൾ ടെക്‌നീഷ്യൻ, അസ്സിസ്റ്റൻറ് എ.സി ടെക്‌നീഷ്യൻ, അസ്സിസ്റ്റൻറ് ഇലക്ട്രിക്കൽ ടെക്‌നീഷ്യൻ തുടങ്ങിയ ഒഴിവുകളിലേക്ക് കേരളത്തിൽ റിക്രൂട്ട്മെൻ്റ് നടത്തുന്നു.
2024 ഒക്‌ടോബർ 9തിനാണ് വോക്-ഇൻ-ഇൻറർവ്യൂ. ബന്ധപ്പെട്ട ട്രേഡുകളിൽ ഡിപ്ലോമയും ചുരുങ്ങിയത് രണ്ടുമുതൽ 5 വർഷം വരെ പ്രവർത്തിപരിചയവും ഉള്ളവർക്ക് അപേക്ഷിക്കാം. അസിസ്റ്റൻ്റ് തസ്തികകളിലേക്ക് 25 വയസും മറ്റുള്ളവർ 35 വയസുമാണ് പ്രായപരിധി.ആകർഷകമായ ശമ്പളത്തിനൊപ്പം താമസസൗകര്യം, വിസ, എയർ ടിക്കറ്റ്, മെഡിക്കൽ ഇൻഷുറൻസ് എന്നിവയും സൗജന്യമായിരിക്കും.
തെരഞ്ഞെടുക്കപ്പെടുന്നവർ രണ്ട് വർഷത്തെ കരാറിലാണ് നിയമിതനാകുന്നത്. മൂന്ന് മാസം പ്രൊബേഷൻ പിരീഡായി കണക്കാക്കും. താല്പര്യമുള്ളവർ ബയോഡേറ്റ, പാസ്പോർട്ട്, വിദ്യാഭ്യാസ യോഗ്യതയുടെയും പ്രവൃത്തി പരിചയത്തിൻ്റേയും സർട്ടിഫിക്കറ്റുകൾ എന്നിവ സഹിതം 2024 ഒക്‌ടോബർ 9 ബുധനാഴ്ച രാവിലെ 9 മണിക്ക് മുൻപായി അങ്കമാലിയിലുള്ള ഓഡെപെക് ട്രെയിനിംഗ് സെൻ്ററിൽ എത്തണം. വിശദവിവരങ്ങൾക്ക് www.odepc.kerala.gov.in എന്ന വെബ് സൈറ്റിലൊ സന്ദർശിക്കുക.
യുഎഇയിലെ വാർത്തകളും തൊഴിൽ അവസരങ്ങളും അതിവേഗം അറിയാൻ വാട്സ്ആപ്പ് ഗ്രൂപ്പിൽ അംഗമാകൂ
https://chat.whatsapp.com/FJzrLdTF2LE4278EB7m9Lc
