പ്രവാസികൾക്ക് ആശ്വാസമായി പുതിയ സർവ്വീസ് ആരംഭിക്കാനൊരുങ്ങി ഇൻഡിഗോ എയർലൈൻ. അബുദാബിയിൽ നിന്നും കോഴിക്കോട്ടേക്ക് നേരിട്ടുള്ള സർവീസാണ് ഇൻഡിഗോ വീണ്ടും ആരംഭിക്കുന്നത്.
ഡിസംബർ 21 മുതലാണ് സർവീസ് ആരംഭിക്കുക. കോഴിക്കോട് നിന്ന് പുലർച്ചെ 1.55-ന് പുറപ്പെടുന്ന വിമാനം പുലർച്ചെ 4.35-ന് അബുദാബിയിലെത്തും. തുടർന്ന് രാവിലെ 5.35-ന് അബുദാബിയിൽ നിന്ന് പുറപ്പെടുന്ന വിമാനം രാവിലെ 10.50-ന് കോഴിക്കോടും എത്തും.
കേരളത്തിൽ നിന്നും യുഎഇയിലേയ്ക്ക് നേരിട്ടുള്ള സർവ്വീസ് ആരംഭിക്കുന്നതുകൊണ്ടുതന്നെ പ്രവാസി മലയാളികളുടെ യാത്രാ ദുരിതത്തിന് ഇതോടെ ആശ്വാസമാകും.
