അബുദാബി ഷെയ്ഖ് സായിദ് ഗ്രാൻഡ് മോസ്ക് സെന്റർ ഈദ് അൽ അദ്‌ഹയിൽ വിശ്വാസികകളെ സ്വീകരിക്കുന്നതിനുള്ള ഒരുക്കങ്ങൾ പൂർത്തിയാക്കി. ഗ്രാന്‍ഡ് മസ്ജിദിലെ നിസ്കാര സമയവും പുറത്തുവിട്ടു.
ഷെയ്ഖ് സായിദ് ഗ്രാൻഡ് മോസ്ക്, അൽ ഐൻ ഷെയ്ഖ് ഖലീഫ ഗ്രാൻഡ് മോസ്ക് എന്നിവിടങ്ങളിൽ ഈദ് നമസ്‌കാരം രാവിലെ ഏ‍ഴ് മണിക്ക് നടക്കും.വിശ്വാസികൾ കോവിഡ് -19 പ്രതിരോധ മുൻകരുതൽ നടപടികളും പാലിക്കണമെന്നും അധികൃതര്‍ അഭ്യർത്ഥിച്ചു.
പൊതുജനങ്ങളുടെ സുരക്ഷയും ക്ഷേമവും ഉറപ്പാക്കണം. നിസ്കാരത്തിന് എത്തുന്നവര്‍ മാസ്‌ക് ധരിക്കുകയും പരസ്പരം കുറഞ്ഞത് ഒരു മീറ്ററെങ്കിലും അകലം പാലിക്കുകയും വേണം. സ്വന്തം പായ കൊണ്ടുവരണം. പ്രാർത്ഥനയ്ക്ക് മുമ്പും ശേഷവും ഒത്തുചേരലും ഹസ്തദാനങ്ങളും നിരോധിച്ചിട്ടുണ്ടെന്നും മോസ്ക് വൃത്തങ്ങൾ ഓര്‍മ്മപ്പെടുത്തി.
