ഫൂഡ് ഡെലിവറി ചെയ്യുന്ന ഡെലിവറി ബോയ്സിന് പ്രത്യേക സമ്മാനങ്ങളുമായി അബുദാബി ബിഗ് ടിക്കറ്റ്. യുഎഇയിലെ താമസക്കാർക്ക് ഭക്ഷണം എത്തിക്കാൻ ഡെലിവറി റൈഡർമാർ കാണിക്കുന്ന ആത്മാർത്ഥതയും അശ്രാന്ത പരിശ്രമവും അഭിനന്ദാർഹമാണ്. അതുകൊണ്ടാണ് ഡെലിവറി കമ്പനിയുമായി ചേർന്ന് ഈ വർഷം മുഴുവൻ പ്രത്യേക പതിപ്പ് ഒരുക്കിയതെന്ന് അധികൃതർ പറഞ്ഞു.
യുഎഇയിലെ എല്ലാ ഡെലിവറി റൈഡർമാർക്കും പങ്കെടുക്കാവുന്ന റാഫിൾ നറുക്കെടുപ്പിൽ 50 വിജയികൾക്ക് ബിഗ് ടിക്കറ്റ് ക്യാഷ് പ്രൈസും ഡ്രീം കാർ ടിക്കറ്റുകളും ഉൾപ്പെടെ വിവിധ സമ്മാനങ്ങളാണ് നൽകുക. 20 ദശലക്ഷം ദിർഹം വരെയുള്ള സമ്മാനം നേടാനുള്ള അവസരവും അവർക്ക് ലഭിക്കും. പുത്തൻ റേഞ്ച് റോവർ അടക്കം 500 ദിർഹം വിലയുള്ള ഗ്രോസറി സ്റ്റോർ ഗിഫ്റ്റ് കാർഡുകൾ, 500 ദിർഹം മൂല്യമുള്ള സ്വർണ വൗച്ചറുകൾ, ഹെഡ്‌ഫോണുകൾ, സ്പീക്കറുകൾ, ഇയർബഡ്‌സ് തുടങ്ങിയ വൈവിധ്യമാർന്ന ഇലക്ട്രോണിക് സമ്മാനങ്ങളും മറ്റ് സമ്മാനങ്ങളും ഡെലിവറി റൈഡർമാർക്ക് സ്വന്തമാക്കാൻ സാധിക്കും.
അതേസമയം ഗ്യാരണ്ടീഡ് ക്യാഷ് പ്രൈസുകൾക്ക് പുറമേ ഡ്രീം കാർ ടിക്കറ്റ് വാങ്ങുന്ന ഓരോ ഉപയോക്താവിനും ജൂലൈ മൂന്നിന് ബിഎംഡബ്ല്യു 430 കാറും സ്വന്തമാക്കാനുള്ള അവസരവും ലഭിക്കും. ബിഗ് ടിക്കറ്റ് വെബ്‌സൈറ്റ് വഴിയോ അബുദാബി രാജ്യാന്തര വിമാനത്താവളത്തിലെയും അൽ ഐൻ വിമാനത്താവളത്തിലെയും ഇൻ-സ്റ്റോർ കൗണ്ടറുകൾ മുഖേനയോ ഓൺലൈനായോ ടിക്കറ്റുകൾ വാങ്ങാം.
